小曼谷泰國美食站

营业中

休息中

上一次去泰國已經係半年前，暫時未有計劃只好留喺香港回味，今晚去銅鑼灣嘅小曼谷泰國美食站食飯，因為呢度夜市風格，好好氣氛，有好多海鮮食，即點即燒，新鮮熱辣，燒得好好手勢。因為燒海鮮需要時間，冬陰功湯先到，原隻虎蝦一共有兩隻，好新鮮喎！肉質好甜，好有彈性，連埋湯汁一齊食，真係好鮮味，個湯熱辣辣用個爐仔烘住，湯係熱飲最好飲，複複雜雜、酸酸甜甜嘅味道，但又唔係太強烈，剛剛好。點咗兩款燒海鮮，燒脆皮白鱔有2串，個皮燒到脆卜卜，肉質有彈性，點少少酸汁食，正呀！鹽燒馬友魚一條，皮係唔食嘅因為好鹹，裏面啲肉就吸收咗鹽味，好肥美好嫩，生熟啱啱好。最後食芒果糯米飯，超值，有泰國水準。