象屋泰國餐廳 (已結業)

難得星期日放假可以陪下媽咪，今次就帶咗佢去MOKO新世紀廣場4樓的「象屋泰國餐廳」食午餐，星期六日中午都會有供應泰式沙律吧午市套餐自助沙律吧的選擇都頗豐富，有西式沙律菜、泰式木瓜沙律、多款toppings，新鮮水果、咖哩角、春卷等等泰式生蝦午餐另加$38就可配泰式生蝦兩隻，size都幾大隻，好厚肉，蝦肉緊實中帶有彈牙口感，好新鮮呢！配上辣椒蒜頭同獨家酸甜汁，開胃又滋味紅咖喱牛肉飯第一次食泰式紅咖喱，辣度適中，唔食得辣嘅我都接受到，咖喱汁中帶點椰汁香，送飯食就最好不過～半肥瘦牛腩肉好腍滑，炆煮得入味，但略嫌肥肉多左少少泰式大蝦金邊粉金邊粉賣相不錯，用木盤呈上增添左高貴感覺。大蝦有三隻，爽口彈牙好新鮮。金邊粉嘅配料都好充足，有洋蔥、芽菜、蛋絲、豆腐干等等，炒得乾身，有鑊氣，唔算好油膩。金邊粉仲保留左Q彈的口感，滿有嚼勁，好好食呢最後餐飲點左熱檸水同凍檸茶，清新解油膩呢