泰聚 (已搬遷) 新店位置

揸車經過餐廳附近, 見到出邊有位泊, 決定泊低架車, 去試試呢間餐廳。可能時間早, 所以唔需要等位, 即有4人枱。餐廳裝修幾靚, 有別於之前所去過嘅泰國餐廳。環境好舒服, 啲位好適合高嘅人坐。特別係個廁所, 一定要睇下。4個人叫咗5個菜。泰式生蝦, 蝦好新鮮, 蝦肉彈牙, 重有小片苦瓜做配菜!沙爹串燒, 有豬, 牛, 雞, 串燒普普通通, 但個醬好好食叫咗個小食拼盤, 但唔記得影相, 份量好多, 雞翼好味海南雞半隻, 雞皮爽口, 雞肉好滑, 呢個係值得一叫。鹽焗烏頭, 用咗好多鹽味去醃同燒。打開魚肚, 見到好多香料例如香茅, 南薑及香葉, 魚肉啖啖鹽味，鮮肉唔腥, 唔洗點醬都已經好夠味。