泰邊爐 (已結業)

[ 泰式打邊爐唔一定係辣既 ]天氣涼涼地又掀起左想打邊爐既心情,朋友之前食過呢到一次就介紹一齊去試下,上到去見到店裡面打左啲紫藍色既燈光暗暗地, 枱同枱之間距離唔會好貼, 個感覺都幾幽靜氣氛唔錯一坐底朋友話好似唔同左咁既啲野食, 問店員原來轉左新menu~由於太肚餓, 一見到menu有得升級海鮮雞煲就用左1秒決定要食呢個,岩岩病好無耐既我就無緣試主打既冬蔭功湯底, 配合返泰式主題一於就揀椰子湯試試啦~~~之後就出去自助食品吧到夾住野食住先, 選擇都唔小架, 糖水都有兩款, 仲有雪櫃既幾款飲品都係任取既,夾完野返埋位見到侍應已經好快手擺緊啲雞煲同海鮮食物上枱, 海鮮拼盤一碟已經有好幾款野, 魚蝦蠔蜆螺扇貝鮑魚,個餐有雞有海鮮有牛肉羊肉有丸類有蔬菜...原來仲有埋生菜包同泰式鳳爪, 成件事好豐富啫~雞煲既雞件都好滑同入味, 每件都多肉唔會話比埋啲得骨既部位,食晒就倒樽椰子湯落去整個椰子海鮮煲先~: P以為會係清清地點知個湯係濃郁到啲野食唔洗點醬料都好夠味但又唔會話好漏,同其他肉類個味道都夾到~食食下同朋友兩個清晒啲野食咁滯,店員仲提醒我地有張紙仔可以免費追加任叫火鍋食物, 但真係飽到食唔落