影片
更多
2021-10-22
146 浏览
位於觀塘全新地標「裕民坊 YM2」越開越多餐廳，鍾意食泰菜又鍾意打卡嘅呢間餐廳就啱晒你啦📸！餐廳裝修偏向金屬風嘅設計，帶點泰式悠閒異國風🌴，室外門口位置仲放置左藤椅打卡位，充滿泰式東羅風情感覺🏺最近仲新推出泰式下午茶Set，去影相食Tea都唔錯🫖！⇛ 🔸東羅酸辣柚子沙律 $78柚子沙律加入咗泰式酸辣汁味道夠清新🥗，喺一款偏辣嘅沙律不能忽視🌶辣度會慢慢沉出嚟🥵～⇛ 🔸東羅手作雞肉串燒 2串 $58雞肉串燒醃得都幾入味面頭再落咗沙嗲醬，味道無太大驚喜底部再放咗幾舊菠蘿🍍，份量偏細～⇛ 🔸泰式豬頸肉伴自家製芒果辣椒醬 $78豬頸肉喺切成長條狀所以食落更爽彈，會較有口感🐖，帶有少少燶邊位配埋自家製芒果辣椒醬，甜甜辣辣更消膩🥭⇛ 🔸泰館虎蝦冬陰功意大利麵配溫泉蛋 $128虎蝦肉質新鮮而且先脫殼所以食得幾方便🦐，冬陰功crossover意大利麵融入左泰西Fusion感覺，醬汁味道唔太濃稠但攪拌埋溫泉蛋會更Creamy♨️！⇛ 🔸手作花香斑蘭藍蝶豆花茶 $42估唔到會咁大杯😳顏色鮮艷啱曬影打卡相，因為蝶豆花本身比較淡味所以加埋薰衣草糖水味道就啱啱好，飲落都幾Fresh🌿⇛ 🔸泰館特調雪條奶茶 $58賣
位於觀塘全新地標「裕民坊 YM2」越開越多餐廳，鍾意食泰菜又鍾意打卡嘅呢間餐廳就啱晒你啦📸！餐廳裝修偏向金屬風嘅設計，帶點泰式悠閒異國風🌴，室外門口位置仲放置左藤椅打卡位，充滿泰式東羅風情感覺🏺
最近仲新推出泰式下午茶Set，去影相食Tea都唔錯🫖！⇛
🔸東羅酸辣柚子沙律 $78
柚子沙律加入咗泰式酸辣汁味道夠清新🥗，喺一款偏辣嘅沙律不能忽視🌶辣度會慢慢沉出嚟🥵～
⇛
🔸東羅手作雞肉串燒 2串 $58
雞肉串燒醃得都幾入味面頭再落咗沙嗲醬，味道無太大驚喜底部再放咗幾舊菠蘿🍍，份量偏細～
⇛
🔸泰式豬頸肉伴自家製芒果辣椒醬 $78
豬頸肉喺切成長條狀所以食落更爽彈，會較有口感🐖，帶有少少燶邊位配埋自家製芒果辣椒醬，甜甜辣辣更消膩🥭
⇛
🔸泰館虎蝦冬陰功意大利麵配溫泉蛋 $128
虎蝦肉質新鮮而且先脫殼所以食得幾方便🦐，冬陰功crossover意大利麵融入左泰西Fusion感覺，醬汁味道唔太濃稠但攪拌埋溫泉蛋會更Creamy♨️！
⇛
🔸手作花香斑蘭藍蝶豆花茶 $42
估唔到會咁大杯😳顏色鮮艷啱曬影打卡相，因為蝶豆花本身比較淡味所以加埋薰衣草糖水味道就啱啱好，飲落都幾Fresh🌿
⇛
🔸泰館特調雪條奶茶 $58
賣相相當精緻同有創意，原條泰奶雪條底下仲有奶茶果凍要先加入奶攪拌最後先再倒上熱茶🫖等雪條慢慢溶化🧊甜度就啱啱好～
张贴
