泰聚 (已搬遷) 新店位置

有一段時間無食泰國菜，突然好想食，所以今日就同細妹去泰聚開餐。餐廳鄰近太子地鐵站，行大約5分鐘就到，十分方便。午市套餐的款式很多，我地心大心細，有幾款都想食，最後我地叫咗泰式豬頸肉湯河同埋泰式海南雞飯。飲品方面，我地叫左珍多冰同龍眼冰。珍多冰椰奶味香濃，甜味適中，有綠色粉條和芒果係底，幾好飲。龍眼冰味道清甜，飲落很潤口，解渴又消暑。泰式豬頸肉湯河可選冬蔭功湯、喇沙湯或清湯，我地揀咗清湯，湯河份量十足，河粉爽滑，而且唔會碎濕濕。豬頸肉燒得好吃，肥肉部分好少，不會油膩，配合泰式的酸辣汁，惹味可口。泰式海南雞飯配油菜及例湯，賣相靚，好大碟，油菜原來係炒雜菜，有椰菜花、粟米仔、芥蘭、草菇、紅蘿蔔、栗米仔，口感豐富。最驚喜係廚師非常細心，雞全部去骨，啖啖肉，雞肉好嫩滑，好正！最後係甜品時間，玫瑰花造型的大菜糕好別緻，味道清甜，西米椰汁糕好重椰奶味，西米好軟糯，好好味。