泰邊爐 (已結業)

而家啲火鍋店日新月異，有啲做粥底、又有麻辣火鍋、手工台式鍋等等等，但係泰式火鍋我就係第一次食，所以都有點好奇。泰邊爐位於瓊華，我仲記得前身係我同朋友都食過嘅韓國餐廳，瓊華基本上都係食物塔，各式各樣嘅餐廳都有，一打開9樓lift門，已經聞到好大陣邊爐味。呢度主要供應任飲任食火鍋，時間尚早，七點鐘，但已經有半滿，到離開時已經接近8成滿座，所以你地最好預約。呢個時間入座就$198/位，7點半前埋單式者9點半後入座平多20蚊，包兩個鐘任飲任食，一定食得飽。火鍋特色有四個湯底，其中少不了冬蔭公湯底、椰汁雞、蕃茄豬骨等，雙拼加20蚊我地揀左冬蔭公拼蕃茄豬骨，即場喺面前加入配料，例如冬蔭公果邊有蝦、沙白、香茅、菇菌等；蕃茄湯底就有豬骨、蕃茄，都幾足料。先飲湯再打邊爐，蕃茄湯底係甜嘅，幾得意，茄味都幾濃。冬蔭公湯反而就清d，唔夠香辣，用來打邊爐都ok嘅，唔怕太重口味食物方面有勁多選擇，起碼2、30款，除左牛肉、牛肉粒、雞件、豬肉等係要畫紙仔，其他例如丸類、蔬菜等配料，有九成都可以喺自取區自取，任君選擇，擺放整齊，夠哂企理調料選擇都好多，泰式醬，例如香葉、魚露、辣粉、砂糖都有，配合主題。飲品都係自取，都