泰.夯蝦 (已結業)

早排有同事去左食流水蝦話幾好玩幾正, 於是今晚小妹就book左嚟試下! 餐廳環境幾大, 劃分左多個區域, 有熟食區, 海鮮區, 肉類區, 飲品區, 冷盤/甜品區, 醬料區, 當然唔少得大蝦池同蝦缸🤣 如果坐中間位置就可以係隔離蝦缸直接夾上嚟!! 餐廳亦有提供圍裙而且設有洗手位置供客人洗手!仲有其他急凍海鮮例如蠔, 蜆, 帶子, 蟶子bb等等……而且店員每隔一陣就會refill蔬菜區有菇類🍄, 菜🥬, 栗米🌽, 茄子🍆, 翠玉瓜🥒菠蘿🍍等等, 肉類方面亦有醃好左嘅豬扒🥩雞翼🐔魷魚🦑同串燒🍢, 整體味道唔錯幾入味!涼拌有青木瓜沙律, 鳳爪, 同一個櫃入面仲有西瓜🍉同椰青🥥!熟食區有台式香腸, 小菜, 粉麵炸物等等, 亦有多款刺身提供每人都會有一份鮑魚同帶子, 味道爽嫩鮮甜蝦池入面嘅蝦好大隻, 夾上嚟之後先放入凍筒將佢先凍暈, 然後店員會幫你剪走腳同鬚, 最後就係放上爐到燒, 新鮮捉嘅蝦再即燒份外鮮味, 蝦肉爽口彈牙, 小妹覺得用牛油蒜蓉同微量嘅粗鹽已經好惹味好正甜品方面有蕃薯糖水, 泰式甜品仲有多款口味嘅雪糕波波🍦, 小妹覺得芝麻同豆腐最好味!