泰拍耶

营业中

休息中

冬陰功明爐盲鰽🥰酸酸辣辣超開胃~明爐魚多數用盲鰽，冬陰功湯底有香茅 南薑 辣椒 檸檬葉 芹菜，我再另外問店員要個青檸再支小小落個湯到，唔算好辣，味道層次豐富! 如果唔太食得辣既可以叫小辣。而且仲見到廚師仲有落左d泰式辣椒醬味道更惹味，椰菜索哂d湯汁，同魚肉一樣咁好食。魚肉亦好鮮嫩，口感厚實，份量都好滿足，2個人SHARE岩岩好，而且d湯飲哂都唔會覺好咸，必點!泰拍耶招牌泰式船河😋食材主要有豬肉 豬潤 豬皮 豬肉丸。湯底唔算好濃郁，但食起黎會覺得好易入口，河粉彈牙爽口，豬肉份量都唔錯，如果豬潤可以再多d就更好喇，因為真係好好味!! 而豬肉丸夠哂彈牙 豬皮香脆可口，浸左湯仲會多番滋味!香葉辣肉碎蛋飯🥰一黎到見到塊微微既燶邊蛋，戳穿個流心蛋黃再撈埋d肉碎同飯一齊食，再擠d青檸汁落肉碎，酸酸辣辣好開胃。而且份量都唔小。泰式香茅薑茶🥰一黎到真係睇到同聞到一條條既香茅同薑片，飲落唔係人造既味道，味道好天然，口感清新微笨微辣，香氣十足，必點!鹹檸檬可樂😋咸甜微酸加埋可樂既氣泡，正。