東羅 泰館 (已結業)

知道觀塘裕民坊依家改建得好靚，今次有機會去行下個商場，同去東羅 泰館食好味泰國菜。今次order左巴東蟹肉炒飯配炭烤雞串、東羅泰滷豬手、泰式咖哩配薄餅、炭烤燒魷魚、東羅手打蝦棒、牛油烤焗蘑菇，飲品有鳳梨清新特飲及美祿恐龍雪糕。蟹肉炒飯鮮味十足，而且鍋氣好夠，炭烤雞串同樣燒得剛好，香濃可口。東羅泰滷豬手就肥瘦均勻，兼醃得好入味，配上酸菜食好夾味覺。泰式咖哩配薄餅酥脆又香口，點咖哩係必食之選。炭烤燒魷魚外表炸得金香但內裏鮮甜彈牙。東羅手打蝦棒好有泰式風味，最緊要鮮蝦味一流又爽口。牛油烤焗蘑菇好特別，蘑菇添上牛油香食到停吾到口。鳳梨清新特飲超重波羅昧，美祿恐龍雪糕就消暑極品。