新泰東南亞餐廳 (興旺閣)

营业中

休息中

香港泰式料理因為融入左好多香港人嘅口味，所以都係好值得期待的。book左六點半，因為遲收工差唔多遲到半小時，不過好在店員都好好俾我哋入，樓高應該有三層，去到餐廳地下層已經滿座，我同同事就上二樓，地方寬敞舒適，燈光柔和幾有氣氛，點好菜之後陸陸續續都滿座。上菜有少少慢，不過整體味道好讚！牛油雞翼外面香脆入面d肉好juicy，對本人來講有少少唔係幾好就係蒜粒偏多有少少痴牙… 咖喱軟殼蟹真係要試一試，咖喱味道香濃配印度薄餅超正，仲食左一半的麵包！蝦紙米卷都唔錯，菜比較多。飲品叫左一個椰青一個三色冰，椰青新鮮都放雪櫃雪到足夠凍，食飯兩個小時都可以keep到冰冰哋好正。最後一個甜品， 椰青大菜糕，因為店員介紹話幾受歡迎，有d飽，只係食左少少，不過味道都好好，點呢個甜品就唔好點椰青啦，都係差唔多的味道，口感唔同。