Nara Thai Cuisine (港威商場)

营业中

休息中

餐厅环境好有泰国feel，坐得舒服，仲有卡打位影下相，重点有靠窗口座位可以望海景。晚市6点半左右到，餐厅已经坐满过半。menu好厚因为好多选择，仲有素食提供添，好贴心。叫左泰式小食拼盘(~$168)，马莎文咖哩牛腱(~$108)，印度薄饼，椰香奶皇流心汤丸(~$58)，椰青(~$45)，泰式奶茶。入座后有炸虾片提供，脆口大块，而且放耐左食，一样食到chopchop声。拼盘多元化，摆盘好靓打卡岩哂。泰式小食有荷叶鸡、串烧、猪颈肉、鸡翼、春卷，每款都有3至4件不等，每样都有水准。猪颈肉厚切肉嫩，肥瘦适中，再带少少油脂。而单骨鸡翼炸香后，非常香口，配埋附上既泰式甜酸酱一流，唔热气。马莎文咖哩味道非常浓郁，香料味好重，微辣刺激味蕾，而且落左满满花生烹煮。牛腱厚切，嫩口唔鞋。望落好多酱汁以为好少肉，但愈食到底，就发现系d酱同肉既颜色好似，所以遮住左，其实好多块肉，好饱。特登叫左薄饼可以配酱汁食，薄饼卷成花形，所以每卷都厚，所以份量唔可以睇少。中式汤丸就食得多，泰式口味既第一次食。椰汁浓烈，成碗都好系椰奶香味。第一啖食，原来系咸咸地既椰奶，但味道完全唔怪，仲好好味。食完成个人都好暖笠笠。小丸子烟烟