泰巷 (將軍澳廣場) (已結業)

夜晚4個人嚟食四人餐，叫咗個冬蔭功鱸魚店員好快就拎咗gas爐嚟，然後冇耐就上埋條魚下面有生菜，金菇，雲耳，蘿蔔，粉絲香料有芫茜，蔥，辣椒，香茅材料索哂冬蔭功湯底嘅汁十分入味，不過我哋一時冇睇火煲到乾哂，要即刻閂細火同加湯椰子雞湯幾好飲，份量都好夠分，4碗有多加錢叫咗個雞油飯，但係冇雞味，只係有黃黃嘅顏色，早知就叫個白飯算上湯浸娃娃菜，個湯都幾清甜，啲菜偏淋拼盤有泰式鳳爪，蝦餅，雞肉串燒，春卷最正嘅係有泰式辣醬同沙嗲醬鳳爪比較辣，怕食辣嘅朋友要小心黃咖哩雞配法包好香濃惹味，入面嘅雞肉好滑嫩上面有爆香咗嘅蒜片，法包索晒啲咖哩汁都好好食軟殼蟹炸得香脆，有足足兩大隻蟹，下面亦有黃咖哩