影片
更多
2018-08-13
1270 浏览
以前同班Fd去食泰國嘢，食親都係泰式炒金邊粉、冬蔭公、椰汁黃綠紅咖哩......好少食到新變化，今次同男友係厚福街見到呢間羅勇泰國粉麵，就一於試下。一開始仲以為係個叫羅勇嘅人開嘅舖頭，原來羅勇係泰國一個城市（冇文化真可怕😅）！舖頭入面好似一個貨櫃咁，一入去一邊係藍色貨櫃牆，另一面係D彩色木板砌成嘅牆，有些少泰國特色嘅裝飾，民族色彩都好強。大熱天時嚟杯泰式奶茶($20)先，我成日覺得香港奶茶茶味太澀，泰式奶茶奶味太重，泰式奶茶係兩者中間，不過會比較甜少少。呢度嘅泰國奶茶就未夠太地道，冇錯啦，就係唔夠甜，但So far比港台奶茶好飲。然後前菜嚟碟泰式生蝦（$78）先，一碟一共六隻，蝦仁晶瑩剔透唔會灰灰黑黑。一隻蝦配一塊蒜片再搭配特調嘅泰國辣汁，酸酸辣辣嘅味道與蝦肉產生咗化學作用，額外突顯出蝦嘅鮮甜。然後我哋點咗兩串沙嗲串燒諗住過下食肉癮，分別係一串雞肉（$15）同牛肉（$15）。我個人覺得，食串燒食乜肉唔係太重要，更重要係個沙嗲汁調成點。呢度秘制嘅沙嗲醬有好多花生粒同椰糖味道，質感有D似麥芽糖咁黏稠，茶一層上D肉度，啖啖肉香，啖啖花生香。至於主食，一心打算食河粉，所以叫咗個秘制滷水豬手湯河
舖頭入面好似一個貨櫃咁，一入去一邊係藍色貨櫃牆，另一面係D彩色木板砌成嘅牆，有些少泰國特色嘅裝飾，民族色彩都好強。
大熱天時嚟杯泰式奶茶($20)先，我成日覺得香港奶茶茶味太澀，泰式奶茶奶味太重，泰式奶茶係兩者中間，不過會比較甜少少。呢度嘅泰國奶茶就未夠太地道，冇錯啦，就係唔夠甜，但So far比港台奶茶好飲。
然後前菜嚟碟泰式生蝦（$78）先，一碟一共六隻，蝦仁晶瑩剔透唔會灰灰黑黑。
一隻蝦配一塊蒜片再搭配特調嘅泰國辣汁，酸酸辣辣嘅味道與蝦肉產生咗化學作用，額外突顯出蝦嘅鮮甜。
然後我哋點咗兩串沙嗲串燒諗住過下食肉癮，分別係一串雞肉（$15）同牛肉（$15）。
我個人覺得，食串燒食乜肉唔係太重要，更重要係個沙嗲汁調成點。呢度秘制嘅沙嗲醬有好多花生粒同椰糖味道，質感有D似麥芽糖咁黏稠，茶一層上D肉度，啖啖肉香，啖啖花生香。
至於主食，一心打算食河粉，所以叫咗個秘制滷水豬手湯河（$48）。飲啖湯，濃郁嘅滷水底充滿香料味，初時我有少少唔係太慣。
但見唔見到擺係檯面呢四罐調味品 — 辣椒醋、醋、糖同乾辣椒粉？據店員介紹呢四個就係泰國食河粉四寶，無論你乜口味，靠呢四種調味料都可以較到適合你自己鐘意嘅味道。
我自己就落咗一羹辣椒粉，成個湯係昇華到第二種層次，變得非常惹味。
另外見到呢D好似香港人食粥時配嘅脆脆嗎？原來呢D係炸豬皮嚟，乾食有少少似油渣，但因為豬皮有小孔，吸滿湯汁後回復彈性，好Special。豬手片得好薄，但滷到腍曬，一放入後脂肪喺舌尖嘅熱力下融化。
而河粉亦非常特別，同香港幼幼一條唔一樣，呢度嘅河粉足足有兩根手指咁粗，因為粉嘅面積大所以掛到嘅湯亦特別多。我諗從呢點都睇得出，泰國同香港對粉麵最大嘅分別，應該就係泰國粉麵嘅主角係個湯底。
而男朋友叫咗一個滷水鴨肉飯（$42）, 單睇顏色D鴨顏色比較深色，以為落咗好多豉油去滷。
雖然食落口係好重滷水味，但係並唔係好先鹹。用鴨肉點一點配嘅醬，酸酸甜甜，中和返肉類嘅油膩。同港式滷水點醋係一樣嘅道理，但因為泰國嘅呢個醬應該係以青檸等嘅天然酸味調配，所以唔似醋嘅酸咁實，係比較Fresh嘅。
最後附上一晚椰子雞湯，除咗少量浮油之外，成碗湯係非常之清澈，飲入口嘅椰子味都足，相當滋潤。
我地兩個人，一共用咗$218蚊，講緊我地口痕仲加咗個生蝦同沙嗲串燒。如果唔係，淨叫個粉麵同飯兩個人$100蚊一定夠埋單，係非常之抵。總括而言，泰國粉麵同滷水係令我耳目一新，比起一路以嚟食開嘅典型泰國菜，係一個非常新鮮嘅嘗試。
张贴
