泰邊爐 (已結業)

成日食泰菜都好鍾意椰子雞湯，青咖喱，冬蔭功，但用佢地做湯底打邊爐又會點呢？今次我試左位於旺角的"泰邊爐"自助火鍋.由於新餐廳，裝修都富有泰國色彩，亦十分乾淨清潔。侍應的服務亦很好，多次清理枱上垃圾及空碟，亦常常為我們加湯，落單的速度都快，值得一讚！食物方面，青咖喱湯底與椰子雞湯味道相約但用料十足，建議下次可選其一，再搭冬蔭功湯。火鍋食物特別推介雞片，同我地食常規泰菜一樣爽滑，薄切豬肉片，牛肉粒都很可口。麵食方面可選泰國MAMA 公仔麵及金邊粉，十分夾青咖喱湯。熟食中的泰國粉絲，汁料配搭很好。甜品有椰汁糕，泰式涼粉等，誠意十足！這餐價錢約$230, 用餐時間都有2hrs, 整體良好~如果想試下新口味火鍋，可以試試！