叫little old town，睇餐牌同格局都幾有風味，亦得知係做泰國x新加坡菜，感覺好新鮮!價錢上係OK既，當然第一樣要食既野就係海南雞，喇沙啦
.....
我地嗌左兩個午餐Set~仲有薏米水送....其實真係極少餐廳有得飲呢D，所以應該會吸引到一批客人上泥....
哇!!~ 一行出泥有個托盤裝晒Set既野，用具上用上復古雞碗，個氣勢已經贏左，感覺有誠意不馬虎，古色古香得泥不失現代感，係個香港要既野!
海南雞餐~ 我想講係我響香港食過最好味既海南雞!!!!!!同新加坡果D有得媲美...真係好令我驚訝，真係同出面好唔同，個雞既肉係應該有秘製方法整過，嫩得來不失雞味，有種冰冰地但又有懷舊既味道，係會食唔停，仲有三個特色醬可以點，不過本身已經好夠味!真贊!
喇沙餐~78 蚊絕對值得食，個碗係復古雞碗，個份量真係大，絕對抵~喇沙要夠椰夠辣，佢做到，配料都都好多，總之就好好味，質素有水準!!
薏米水真係好正啊，有好多薏米附送，真的是一餐十分美滿滿足既午餐!
