泰玖 (已結業)

食過返尋味，今次又同朋友去食泰玖嘅午餐，午市時間去到門口已經有人排隊，好彩等咗冇耐就有位坐，分上下兩層，我哋被安排坐下層bar枱，可以望到水吧沖野飲。叫左兩份lunch set,每個主食會跟一款小食同飲品。🍜泰式牛肉濃湯船面 $78 👍🏼👍🏼👍🏼湯底濃郁調味剛好，有米粉同金邊粉兩款麵響入面，增加口感，份量好多，仲有炸豬皮，好香脆！牛肉好大塊，仲有通菜伴上。🍗跟餐：香茅蒜香雞翼中規中矩，唔會炸到好乾身。🍲泰北咖喱雞肉金麵 $78賣相好靚，橙橙黃黃，金麵原來係雞蛋絲，沾上秘制咖哩汁，雞肉嫩滑，仲有啲酸菜，幾特別，不過要快食，因為擺太耐會索曬d汁。🍤跟餐：泰式炸蝦餅 👍🏼👍🏼👍🏼蝦餅出色👍🏼即叫即炸熱辣辣，炸得剛剛好，唔會燶又迫曬d油出黎，好爽口仲好有蝦味！🍸青檸梳打消暑一流！好飲既👍🏼泰玖的食物出品都有態度，由泰國🇹🇭師傅主廚👨🏽‍🍳，所以令筆者再次回訪。