ChaTraMue (已結業)

地道泰國奶茶ChaTraMue黎到香港，保持左佢特式既味道，而係銅鑼灣嘅呢間舖頭，仲有位置俾客人坐係到慢慢飲，環境舒服幾好坐。天時凍凍地，叫左兩杯熱飲：正宗泰國薑奶茶~29$~，雖然係薑奶茶但唔會大薑味到好嗤鼻，融入左個奶茶底入面，係最後先有少少回辣。而個奶茶底真係出色，奶味甜、茶底香，值得一試。泰國蜂蜜檸檬茉莉花茶~29$~係一杯好潤喉既熱飲。入口就覺得檸檬嘅酸主導左整體味道，但好在都有蜂蜜中和返；而茉莉花既茶味清香，慢慢滲透出黎。