新泰東南亞餐廳 (已結業)

在灣仔鬧市算係少有既地方寛敞店員服務又好既泰國餐廳 坐得舒服，好濶落既木製枱櫈，店員面帶笑容，食得高興 食物質素高，order了柚子蝦沙律，泰式青咖哩豬，明爐盲鰽，冬陰公粉，芒果糯米飯 最期待係今次無叫既越式燒春雞香茅黃姜飯，見到隔離枱上燒春雞係原隻上，賣相非常靚，雞皮燒到脆卜卜，釀在雞內的黃姜飯香氣扑鼻，下次必叫 泰式柚子蝦沙律，柚子肉一排排，朋友話這才算新鮮，柚子完全無苦味，酸甜適宜，好開胃 泰式青咖哩豬 & 印度薄餅 青咖哩較杰身，少少辣有椰香，用薄餅點食到唔停咀 印度薄餅好鬆化、香而不油 明爐盲鰽，多肉少骨，魚質鮮美 芒果糯米飯 上枱時係暖笠笠，眾有黑白糯米飯，黑糯米就較為有咬口，但白糯米反而更出色、較腍身但好有米香味。芒果係當造既時候所以超甜 芒果沙冰雖然叫了少甜但不失芒果味，香味十足