影片
更多
2016-08-06
356 浏览
銅鑼灣食泰菜, 第一間想起, 世貿中心的樓上鋪, 環境不算大, 但座位寬敞, 坐得比較舒服. 當日部電梯唔多聽話..., 等候時間長, 向上的速度又超慢..., so... 可能我出街前忘記了拜神, sorry囉...此店的店員都是泰國人, 不過...咁樣樣, 香港的泰菜餐廳, 大多數都是泰國人, 其實, 除了泰國餐廳之外, 還有印尼餐廳、越南餐廳、韓國餐廳, 印度餐廳, 大多數都是請翻自己國藉的人, 這應該都是經濟考慮因素, 所以, 日本餐廳、意大利、法國餐廳等等..., 會見到香港人, 因為人工成本太高... 泰國餐廳, 由泰國人服侍, 當然特別親切..., 隱約聽到門口兩隻小象同我講... 歡迎光臨, well... 算佢有禮貌... 天氣熱, 先來一杯泰式凍奶茶, 去過泰國的一定飲過, 泰文是ชานมเย็น, 點樣讀?? 併音係: cha nom yen, 易記一點, 有些人寫作: 茶濃煙, ชาเย็น (chaa yen)即是冰奶茶的意思, 而นม (nom)就是牛奶, 直接順序翻譯就是: 茶-奶-冰, 醒目的你, 應該意識到, 剛與中文倒轉... anyway... 泰式奶
銅鑼灣食泰菜, 第一間想起, 世貿中心的樓上鋪, 環境不算大, 但座位寬敞, 坐得比較舒服. 當日部電梯唔多聽話..., 等候時間長, 向上的速度又超慢..., so... 可能我出街前忘記了拜神, sorry囉...
此店的店員都是泰國人, 不過...咁樣樣, 香港的泰菜餐廳, 大多數都是泰國人, 其實, 除了泰國餐廳之外, 還有印尼餐廳、越南餐廳、韓國餐廳, 印度餐廳, 大多數都是請翻自己國藉的人, 這應該都是經濟考慮因素, 所以, 日本餐廳、意大利、法國餐廳等等..., 會見到香港人, 因為人工成本太高... 泰國餐廳, 由泰國人服侍, 當然特別親切..., 隱約聽到門口兩隻小象同我講... 歡迎光臨, well... 算佢有禮貌...
天氣熱, 先來一杯泰式凍奶茶, 去過泰國的一定飲過, 泰文是ชานมเย็น, 點樣讀?? 併音係: cha nom yen, 易記一點, 有些人寫作: 茶濃煙, ชาเย็น (chaa yen)即是冰奶茶的意思, 而นม (nom)就是牛奶, 直接順序翻譯就是: 茶-奶-冰, 醒目的你, 應該意識到, 剛與中文倒轉... anyway... 泰式奶茶的茶味有一種米香, 用的應該是椰奶和椰糖, 但不知道香港的餐廳是否跟足..., 但那種香葉的南洋風味, 絕對交足功課..., 而至於是甚麼品種的香葉...? 那... 要請教泰國師傅了...
餐牌中夾住了一張新推出菜式, 老友搓住佢, 仔細研習當中, 應該就快可以背熟..., 唔好阻礙佢了...
香辣炭燒牛扒沙律 ($178), 各樣的食物, 餐牌都有提供泰文的併音, 例如這菜就稱為: Yum Nuer Yang, 泰文是 ยำเนื้อย่าง, 網上找一找, 這道沙律也算是泰國名菜, 但通常寫為: 涼拌烤牛肉, 而這店是用高價的牛扒代替了平凡牛肉, 口感上更勝一籌, 至於香辣與否, 則見仁見智, 入口感覺, 我認為這是屬於微辣程度.
以西餐的角度, 這屬於well done了, 但肉質尚佳, 就算全熟, 入口仍然軟身, 牛扒的纖維口感, 比一般牛肉強一點, 配上爽脆的羅馬生菜, 最適合不過. 有否留意, 其中一塊並不是牛肉, 而是豬頸肉, 這是自家製的菜式crossover, 好味吖!
18巷鮑魚沙律 ($158), 此味菜的重點當然是鮑魚, 我梗唔執輸, 嗱嗱淋夾翻件, 彈牙中帶爽口, 爽口中帶煙韌, 煙韌中帶軟熟, 軟熟中又帶彈牙....係呀....loop完再loop...哈哈哈
鮑魚是重點, 但此菜不只一個重點, 還有另一個, 就是切成一片片、淺黃色, 類似薯仔狀的東西, 那是椰芯, 老樹椰子才有椰芯, 椰芯口感爽脆, 有微微的甘味, 唔知道的還以為是特別調味的淮山, 如果是靚貨, 可能還聞到一點點的椰青香, 椰芯不需重口調味, 清炒已經很好食.
原條明爐蒸魚 ($208), 火爐加魚鍋上檯, 驟眼看來, 比一般泰國餐廳的明爐魚鍋細一點, 但當用筷子夾開鋪面的配料, 看到真身, 原來不是用烏頭, 而是有淡水石斑之稱的桂花鱼, 算交足功課.
餐牌上的明爐蒸魚, 共有四款, 分別是原味, 酸辣, 酸甜, 和鹽燒, 同檯有人不別辣, 最終要了原味款式. 桂花魚是有野生的, 如果在十年前, 應該不難找到, 但今天?? 唔使諗呀! 相信無可能會出現在餐廳酒家的檯面..., 貴花魚的肉質特別鮮嫩, 稱得上為"淡水石斑", 也因為魚骨特別少, 啖啖肉口感.
乾咖哩榴槤燴牛展 ($168), 這道菜, 對我而言, 評語是, 既合格又不合格, 因為我唔食榴槤喲..., 我從少到現在, 一件榴槤都無食過, 雖然唔食, 但我不抗拒榴槤氣味, 這碟榴槤咖哩, 十分奇異...我竟然聞到一陣香味添... 哈哈哈
食了牛展, 無食榴槤, 牛展炆得不算太淋, 還有牛展肉部位的原始彈力, 喜歡與否, 見仁見智, 有些人喜歡有咬口, 口感韌度強一點, 否則不如吃普遍牛肉吧...., 但當然..., 有些人又會喜愛吃軟棉棉的肉質. 此碟咖哩榴槤牛展, 咖哩汁沒有太強烈的榴槤味道, 綜合友人意見, 應該是因為榴槤不算太熟, 仍處於生生的, 口感略梗, 所以用來炒咖哩時, 只有氣味, 但入口的味道不太強烈, 啱晒一檯裡面有人食又有人唔食榴槤, 友人話, 吃時, 一件榴槤夾住一件牛展, 超正!! 我都係無試到呀... 好嘢留翻比朋友.... yeah...~~
香草粉絲焗蟹煲 ($338), 又順便..., 食蟹學泰文... 哈哈... 看看餐牌, 泰文併音是 Poo Ob Woon Sen, 再翻查, 泰文: ปูอบวุ้นเส้น, 只是解作"粉絲蟹煲", 並沒有"焗"的意思, 要再查一查, 到底泰國人煮食有沒有"焗"的概念...., poo (ปู) 是蟹, ob (อบ) 是 燴或煲, 而 wun sen (วุ้นเส้น) 就是冬粉或粉絲的意思.
中型鐵煲上檯, 打開蓋, 一陣熱煙升起..., 先把滿滿的粉絲夾開放碟, 膏蟹在下面, 粉絲煙韌度十足, 友人夾得頗狼狽...
夾開了粉絲後, 露出了大大的蟹蓋, 聞到了非常香的蟹味, 先試粉絲, 記住撈些少橙紅色的蟹膏, 吸收了日月精華的蟹膏粉絲, 好味到呢....!
這隻蟹的蟹膏多到不得了..., 為了大家健康著想, 大家唔好食咁多了, 正所謂... 我不入地獄 誰入地獄, 這些壞東西, 留比我對付吧..., 一個人受苦, 總好過全檯人受苦吧... 南無阿彌陀佛...
蒜香炒毛茄 ($88), 毛茄即是近年大紅的秋葵, 還有很多不同凡名稱, 例如羊角豆、洋辣椒或潺茄, 潺茄這名稱真是譯得貼切, 茄內裡的汁液, 真是又潺又漿口, 蒜蓉炒出來的秋葵, 綠得非常艷麗, 入口並不覺得太潺太漿口.
泰式香芒糯米飯 ($88), 去泰國旅行, 必定識讀: khao niew mamuang, 泰文是 ข้าวเหนียวมะม่วง, 不過...話時話..., 泰國食芒果糯米飯, 都是白糯米, 很少會給黑糯米, 可能這是香港的變種菜式, 要再查證一吓....
此泰式甜品, 風靡全世界, 話明係泰式甜品, 當然用泰國貨吧... 友人好奇八掛, 又最喜歡與靚仔靚女店員搭訕 (嗱..嗱..嗱..., 係靚仔和靚女, 無男女歧視呀... 最多係歧視醜男醜女咋...), 果然係用泰國入口的水仙芒, 香港人食得最多的芒果品種, 是來自菲律賓呂宋芒, 呂宋芒的芒味最強, 而泰國的水仙芒則較甜, 據聞...水仙芒還多了一份花香, 但抱歉... 我程度低, 聞唔到, 閣下如果聞到, 有勞告知一聲, 是甚麼花...
三色布甸拼盤 ($108), 店員推介, 據聞係新出品, 三款布甸分別係: 椰汁、泰式奶茶、抹茶, 布甸質感做得好, 軟度和彈力都滿意, 而味道方面, 椰汁味道最濃, 泰式奶茶夠香, 抹茶...好有抹茶味.... 哈哈哈..
张贴
