The Point - Pizza & Pasta (MegaBox) (已結業)

上一次食完The Point 的龍蝦Pizza, 今日再黎食佢新出的原隻新鮮波士頓龍蝦海鮮煲配扁意粉，兩位$488 包餐湯/沙律及餐飲，價位合理。主角海鮮煲用平底鍋盛上，份量可以足夠3人享用。賣相吸睛。原隻波士頓龍蝦大大隻，肉質肥美，鮮嫩彈牙，兩個人可以每人半隻，十分滿足。海鮮煲內還有彈牙魷魚，蜆同青口，乾淨沒有沙。扁意粉都煮得剛好，有咬口，每條意粉都沾上蕃茄龍蝦汁，好惹味。另外加$48 可以多客朱古力布朗尼甜品，Brownie 不會乾身死實，帶點濕潤，不會太甜，內裏軟腍腍，帶有濃濃朱古力香，配上雲呢拿雪糕及焦糖合桃香蕉，值得加配。最後配上餐飲的蘋果凍茶，十分滿足。