波仔

营业中

休息中

平時返工如果要OT，返到屋企又無時間煮飯，我都會經過港鐵站波仔買啲叮叮飯盒食吓，方便又快捷。 除咗有唔同叮叮飯、麵之外，除有點心、餃子、pizza、糖水、沙律等等。 花生醬西多士係佢哋嘅新出品，西多士鬆軟，花生醬份量都算多，仲會配埋 一包糖漿。可以用微波爐、焗爐或者氣炸鍋加熱返就可以食喇，非常之方便。 水晶蝦餃有六粒，每件都大大粒，而且亦有好大隻蝦，蝦肉都算幾爽口彈牙。 咖哩牛腩飯： 個咖哩汁都幾香濃，送飯一流，牛腩亦都夠稔夠入味。 日式咖哩豬扒飯：豬扒切成細細塊，方便進食，咖喱汁都算多，送飯perfect。 梅菜扣肉飯：梅菜扣肉都係一個幾花功夫嘅菜式，宜家叮叮飯都可以食到啦，扣肉肥瘦均勻，非常稔滑且入味，配合大量梅菜，非常美味。