等咗唔耐，個豬軟骨泡飯哩喇，一個豬軟骨湯煲，有兩大舊豬軟骨，真係得兩大舊，加一大大碗白飯，碗飯又真係好大，同個豬軟骨煲咁上下大，仲要裝飯裝到冚，飯就真係夠晒多，但點泡呀？
抵食都唔使俾咁多飯，倒完湯落D飯度都無乜位哩撩鬆D飯哩做泡飯，結果，咪拉平均咁兩邊都溝吓囉，將碗飯倒D落個煲度，跟住將湯又倒D落返個碗度，變咗兩大兜泡飯，兩個人食都夠呀，不過就得兩條骨，唔夠餸，死未！而個湯，好一般咋喎，話精選豬骨熬製，但飲落唔夠豬骨味，較淡口，只可以話個湯底清清哋唔肥「脷」；再試埋舊豬軟骨，希望有突破，唉！都係有D失望，白烚嘅味道，無嘢講，但軟骨位都係爽脆嘅，不過整體都係唔OK:(，唯獨杯奶茶最正常！可能其他嘢食好食都唔定，但依個泡飯就自覺唔多掂，總之唔試新嘢，過返隔離南記啦！
