影片
更多
2023-01-28
878 浏览
今日５時多嚟到灣仔的 ODELICE 來個法式開年飯, 睇Openrice 介绍話餐廳由法籍老闆親力親為主理, 心想質素應該不錯吧。餐廳面積其實唔係好大, 我見全部人都好似我哋咁預先 book 左位, 餐廳裝潢是簡樸的法式風情。ODELICE主打法國菜, 分前菜、湯、主菜及甜品, 還有酒精類、cocktail及其他非酒精特飲, 走中價路線, $788/2人套餐都幾抵食, 還可以用優惠價食法國生蠔。Bisou Rouge Ice Tea ($45)我呢杯紅石榴汽酒, 酒精成份頗低, 有啲似飲緊有汽嘅紅石榴果汁, 甜甜地, 好易入口。Passion Colada ($80)友人的 Cocktails, 主要成份 Rum, limoncello, Coconuts Milk, Passion fruit juice, Lemon juice etc. 前菜 : 法國香草蝸牛 ($105)香草蝸牛跟薯糰丸子混合了一層厚厚的濃杰綠色香草醬, 香草醬除咗香草外, 蒜蓉香味都好突出, 相信香草醬以蒜油調製。老實講, 法國蝸牛沾滿了厚厚的香草蒜香醬, 入口食唔出乜味道, 我只食到香草醬的味道, 而口
餐廳面積其實唔係好大, 我見全部人都好似我哋咁預先 book 左位, 餐廳裝潢是簡樸的法式風情。
ODELICE主打法國菜, 分前菜、湯、主菜及甜品, 還有酒精類、cocktail及其他非酒精特飲, 走中價路線, $788/2人套餐都幾抵食, 還可以用優惠價食法國生蠔。
Bisou Rouge Ice Tea ($45)
我呢杯紅石榴汽酒, 酒精成份頗低, 有啲似飲緊有汽嘅紅石榴果汁, 甜甜地, 好易入口。
Passion Colada ($80)
友人的 Cocktails, 主要成份 Rum, limoncello, Coconuts Milk, Passion fruit juice, Lemon juice etc.
前菜 : 法國香草蝸牛 ($105)
香草蝸牛跟薯糰丸子混合了一層厚厚的濃杰綠色香草醬, 香草醬除咗香草外, 蒜蓉香味都好突出, 相信香草醬以蒜油調製。
老實講, 法國蝸牛沾滿了厚厚的香草蒜香醬, 入口食唔出乜味道, 我只食到香草醬的味道, 而口感有啲微彈, 反而好欣賞那個薯糰丸子, 薯糰丸子用糯米粉及薯蓉加少許鹽製成, 口感煙韌, 好像糍粑般軟糯彈牙, 配香草醬食很和味呢
香煎三文魚配日曬番茄醬汁 ($198)
很少餐廳用鮮茴香做配菜, ODELICE 則用上新鮮茴香略燒表面, 配薯蓉伴底, 放上香煎的三文魚, 再淋上日曬番茄醬汁 。
新鮮茴香有種特別嘅香氣又脆口, 用嚟配香滑creamy帶點醋酸香的薯蓉伴食, 爽脆、creamy口感集於一身。
三文魚皮煎得很香脆, 三文魚肉剛剛熟, 魚汁豐富, 一點也不嚡口, 拈少許開胃日曬番茄醬汁伴食, 食味不錯。
慢燉羊膝配傳統羊肉汁 ($225)
慢燉羊膝配傳統羊肉汁上枱, 上枱前廚師已經把羊膝肢解了, 方便客人進食。
初時以為慢燉嘅羊膝會比較腍滑, 事實又不一樣, 這個羊膝肉質口感有點嚼口, 微微的爽, 食落好juicy, 好嫩口, 特別羊皮及皮下那層薄肥莫， 好滑又好香羊味, 傳統羊肉汁鹹香惹味, 更能帶出羊膝嘅鮮香, 羊膝的羶味不算好強勁, 但都有羊肉應有的羶味, 羊肉愛好者不會失望的味道
伴菜有新鮮烤薯仔, 夠香口, 薯糰丸子略炸, 好似食緊炸過嘅糯米糍, 外層微脆, 口感煙韌軟糯, 索埋個羊肉汁, 真係幾好食, 仲幾飽肚架。
法式蛋白檸檬撻 ($75)
檸檬撻上層的蛋白略燒, creamy smooth得黎, 味道也有檸檬清新香氣, 而中間那層軟滑檸檬餡, 檸檬嘅香酸更為突出, 甜味酸味很balance
张贴
