Café Crêpe (K11購物藝術館) (已結業)

今日約咗姊妹去尖沙咀行街，經過K11呢一間Cafe Crepe，由於仲未夠鐘就入去坐低食個下午茶先。呢度係自助形式，首先響cashier揀啱食咩款式之後就有架機仔通知你幾時有得攞！有好多唔同款嘅crepe包括咗有甜味嘅同埋鹹味嘅Crepes. 用咗法國巴黎傳統配方，見到鹹食有油封鴨同風乾火腿好特別，不過我本身鍾意食甜嘅，咁就梗係揀呢個士多啤梨藍莓嘅crepe試吓啦！呢份Crepe個名叫做parfait 芭菲($92)有好多士多啤梨嘅餡一啲都唔酸，配上藍莓加埋士多啤梨乳酪清清甜甜，我本人最憎就係食cream，呢一個完全冇落cream啱晒我😋另外我叫咗杯Pina Colada($46),呢杯加左梳打配上椰子同菠蘿嘅清香好夾，味道唔太甜幾好飲，下次可以試吓其他款式。