Le Monde

营业中

休息中

是日同男朋友拍拖加遊觀塘，喺工廈嘅studio做完小手作後，夜晚去咗鴻圖中心嘅一間法式餐廳食晚飯，意想不到工廈入邊都有一間咁精緻嘅法式餐廳💕⏩ 17個月熟成嘅西班牙塞拉諾風乾火腿油香滿溢，火腿帶自然嘅鹹香味，放喺脆多士上面食就係簡單嘅好滋味～⏩白酒煮智利青口好入味，青口香腍柔軟，口感同味道都係上乘之作～⏩白鱈魚配忌廉大蔥汁質感滑亂，魚肉煎香後仍然充滿水份，忌廉大蔥汁好濃厚，大蔥嘅味道同白雪魚好夾～⏩法式焗波士頓龍蝦好鮮甜同新鮮，蝦頭仲有唔少膏，配上芝士、洋蔥粒、香草等配料烤焗，絕對升華晒成碟龍蝦嘅味道～餐廳嘅用料新鮮講究，烹調方法亦都非常用心，我同男朋友都好欣賞呢間法式餐廳💞