影片
更多
2017-12-04
3102 浏览
今日早上襯放假黎到中環呢邊食個早餐，由於唔係食得太飽，所以下午茶時間我地就黎到擺花街呢邊嘅Springfields食少少野、甜品，歇一歇再去工作。下午茶時間，唔算好多人，可能因為餐廳位於地牢位置，即使有招牌，仍然唔算話太顯眼餐廳位置闊落，半開放式廚房，裝潢以白色為主，相當舒適。當時客人唔多，我地亦都冇點什麼主食，所以唔會覺得好大陣味仲有室外位置。餐牌方面都有啲類似套餐形式，有沙律、意粉、小食、鹹甜可麗餅、飲品，消費喺中環區黎講，都係合理。睇過餐牌後，我地揀左一個沙律、小食同埋一份甜品，幾個人share食炸雞翼：雞翼即時炸起，一份五件，配上自家製醬汁。雞翼熱辣辣，外皮香脆，雞肉又夠嫩。本身雞翼就冇特別醃過，所以唔會話好重口味凱撒沙律：沙律菜新鮮，份量適中，食落夠新鮮，仲有少少煙肉同有啲類似沙甸魚嘅物體，都好香口。如果唔想太單調，可以加錢配煙三文魚或者雞肉因為一早食左野都仲未落隔，我地就冇點主食喇，甜品方面我地揀左甜嘅可麗餅。揀左香蕉、朱古力呢個不死配搭材料方面有香蕉、榛子醬、朱古力、果仁等，即叫即製。而且店員都好貼心，等我地食完沙律同雞翼先上crepe。裡面嘅香蕉份量都幾多，完全熟成，朱
餐廳位置闊落，半開放式廚房，裝潢以白色為主，相當舒適。當時客人唔多，我地亦都冇點什麼主食，所以唔會覺得好大陣味
仲有室外位置。
餐牌方面都有啲類似套餐形式，有沙律、意粉、小食、鹹甜可麗餅、飲品，消費喺中環區黎講，都係合理。
睇過餐牌後，我地揀左一個沙律、小食同埋一份甜品，幾個人share食
炸雞翼：雞翼即時炸起，一份五件，配上自家製醬汁。雞翼熱辣辣，外皮香脆，雞肉又夠嫩。本身雞翼就冇特別醃過，所以唔會話好重口味
凱撒沙律：沙律菜新鮮，份量適中，食落夠新鮮，仲有少少煙肉同有啲類似沙甸魚嘅物體，都好香口。
如果唔想太單調，可以加錢配煙三文魚或者雞肉
因為一早食左野都仲未落隔，我地就冇點主食喇，甜品方面我地揀左甜嘅可麗餅。揀左香蕉、朱古力呢個不死配搭
材料方面有香蕉、榛子醬、朱古力、果仁等，即叫即製。而且店員都好貼心，等我地食完沙律同雞翼先上crepe。
裡面嘅香蕉份量都幾多，完全熟成，朱古力嘅份量相當多，因為我自己好鐘意食甜野，就唔會覺得過份甜，一個人食哂都冇問題。
榛子醬都係用nutella，都預計到個味道係點。可麗餅煎得好軟熟，唔會太厚身，微溫，配合香蕉、果仁豐富左口感，唔會死甜
餐廳仲有甜品櫃，放有啲佢地自家製嘅杯子蛋糕，因為見到有呢款聖誕造型好可愛，都點一個試試。
食得杯子蛋糕都預左個味道係點，一般因為面頭嘅忌廉比較多，所以預期中都會係比較甜。
杯子蛋糕唔算話好大件，係一個聖誕樹嘅造型，類似細個食果啲肚臍餅嘅糖霜味道，都幾甜。
蛋糕都算幾鬆軟，但就唔會話覺得特別出色又或者係必食。
食到咁上下，店員捧住幾件迷你嘅杯子蛋糕，問問在座嘅客人，有冇興趣試下，好好客，我地見size細細件，食得落，所以拎左一件試試。
呢個係朱古力味，其實口感同聖誕樹嘅係一樣，只不過朱古力味都幾香呢，而且迷你size剛好，冇一整件覺得咁甜膩。
飲品方面有咖啡、朱古力、奶昔等，我地揀左兩杯至肥之選，分別係nutella同花生醬口味。
一飲落去就知道非常足料，因為nutella果杯係好榛子醬嘅味道，落得好重手，如果鐘意nutella醬嘅人都唔會失望，甜而不膩；但唔鐘意嘅都不建議嚐試，因為真係幾甜至於花生醬果杯更加濃，第一次試花生醬嘅飲品，口感都幾特別。花生醬嘅味道好濃好濃，同「飲」緊花生醬冇乜分別。鐘意花生醬嘅人先好點啦，因為飲品嘅質地比較杰，面頭嘅忌廉雖然唔膩，但成杯飲哂都會好飽肚
张贴
