影片
更多
2023-03-27
35 浏览
今日同好朋友慶生，特登揀咗呢間法式宮廷打卡餐廳，之前去過裕民坊嘅INN已經好鍾意，餐廳嘅裝修好優雅，好多小擺設，女仔會好鍾意。 約嘅時間係平日嘅八點，餐廳好full，只能夠坐出面，但出面都有一個好靚嘅打卡位。原來唔同嘅INN分店Menu都會唔同，The One呢間嘅 INN，價錢比裕民坊嗰間貴少少，佢嘅食材亦都相對高檔少少。香草牛油焗田螺 ($118)一上枱已經聞到好香，好吸引。共有六粒田螺，餐廳會提供專門食田螺嘅餐具，田螺好大粒好鮮嫩彈牙，調味得啱啱好唔會太咸，保持到田螺嘅鮮味。薯蓉嘅奶油味好香，食落好Creamy。因為落咗好多牛油，食食吓會有啲膩，配上脆皮麵包，剛好可以解膩。香煎北海道帶子番紅花意大利飯 （$188）好多時意大利飯嘅顏色都有啲慘不忍睹，但呢度嘅意大利飯賣相幾靚，配咗干蕃茄，以及一啲食用花，增添左一啲色彩。帶子非常大隻同厚身，兩面煎到金黃，做到外皮少少焦香而內裏非常軟糯，但呢個意大利飯整體味道偏淡少少。招牌威靈頓羊架 （$288）威靈頓牛扒就聽得多，威靈頓羊架第一次見。羊架外皮被酥皮包裹，中層係蘑菇加上Parma hams，最內層先係羊架，製作用心亦能減低羊肉嘅羶味。
約嘅時間係平日嘅八點，餐廳好full，只能夠坐出面，但出面都有一個好靚嘅打卡位。原來唔同嘅INN分店Menu都會唔同，The One呢間嘅 INN，價錢比裕民坊嗰間貴少少，佢嘅食材亦都相對高檔少少。
香草牛油焗田螺 ($118)
一上枱已經聞到好香，好吸引。共有六粒田螺，餐廳會提供專門食田螺嘅餐具，田螺好大粒好鮮嫩彈牙，調味得啱啱好唔會太咸，保持到田螺嘅鮮味。薯蓉嘅奶油味好香，食落好Creamy。
因為落咗好多牛油，食食吓會有啲膩，配上脆皮麵包，剛好可以解膩。
香煎北海道帶子番紅花意大利飯 （$188）
好多時意大利飯嘅顏色都有啲慘不忍睹，但呢度嘅意大利飯賣相幾靚，配咗干蕃茄，以及一啲食用花，增添左一啲色彩。
帶子非常大隻同厚身，兩面煎到金黃，做到外皮少少焦香而內裏非常軟糯，但呢個意大利飯整體味道偏淡少少。
招牌威靈頓羊架 （$288）
威靈頓牛扒就聽得多，威靈頓羊架第一次見。羊架外皮被酥皮包裹，中層係蘑菇加上Parma hams，最內層先係羊架，製作用心亦能減低羊肉嘅羶味。我哋揀咗七成熟，剛剛好。
法式班戟配開心果蘋果玉桂($88)
其實食完上面三道菜，已經覺得幾飽，但生日當然要食甜品慶祝。 蘋果粒非常之開胃，酸酸酸甜，降低左我哋剛才嘅飽足感。
班戟唔會過厚，軟硬適中，表層配上開心果碎粒以及杏仁片，令味道層次增加。呢個甜品唔會太甜，亦都唔會太多cream ，所以食完都唔會太有有罪惡咸，好啱怕肥既女仔。
张贴
