影片
更多
2022-11-30
23 浏览
之前去法國旅行成日都見到有Crepe食，一直都好懷念，因為嗰度嘅薄餅真係好正！然後香港原來又係有crepe cafe!仲要係好就腳嘅尖沙咀，即刻入去食！尖沙咀嘅Cafe Crepe開咗喺K11 Art Mall地面嗰層，規模有啲似一間咖啡店，唔算好多位，不過好彩今日早咗嚟，都有位坐～成個Menu都係crepe，眼花撩亂！因為好多都好吸引，除咗平時成日見嘅甜品薄餅，連鹹點都有！經過一輪掙扎之後，我哋揀咗一個黑松露忌廉帶子薄餅，另外叫咗一個乳酪雜莓餅～佢連飲品都好吸引，有好多奶昔，我叫咗個抹茶奶昔，男朋友就叫咗個affogato，亦即係有雪糕喺入邊嘅咖啡。首先嚟嘅係飲品，抹茶奶昔非常好味，抹茶感覺到係好正宗嘅日本抹茶，感覺就好似食緊一杯好高質嘅抹茶雪糕咁，非常好飲。之後就到薄餅啊，鹹嘅薄餅真係非常有驚喜！入邊超足料，有好多一粒粒嘅帶子，黑松露亦都非常香，忌廉黑松露帶子呢個配搭超惹味，薄餅亦都口感非常好，唔會太薄，可以裝得住所有嘅食材，唔會穿，但係又唔會太厚，總之口感啱啱好，軟綿綿，好好味，好推薦。之後就到甜品，乳酪雜莓薄餅呢一個配搭係一個比較酸嘅配搭，因為感覺到佢嘅乳酪係好正宗嘅乳酪，唔加
尖沙咀嘅Cafe Crepe開咗喺K11 Art Mall地面嗰層，規模有啲似一間咖啡店，唔算好多位，不過好彩今日早咗嚟，都有位坐～
成個Menu都係crepe，眼花撩亂！因為好多都好吸引，除咗平時成日見嘅甜品薄餅，連鹹點都有！
經過一輪掙扎之後，我哋揀咗一個黑松露忌廉帶子薄餅，另外叫咗一個乳酪雜莓餅～佢連飲品都好吸引，有好多奶昔，我叫咗個抹茶奶昔，
男朋友就叫咗個affogato，亦即係有雪糕喺入邊嘅咖啡。
首先嚟嘅係飲品，抹茶奶昔非常好味，抹茶感覺到係好正宗嘅日本抹茶，感覺就好似食緊一杯好高質嘅抹茶雪糕咁，非常好飲。
之後就到薄餅啊，
鹹嘅薄餅真係非常有驚喜！入邊超足料，有好多一粒粒嘅帶子，黑松露亦都非常香，忌廉黑松露帶子呢個配搭超惹味，薄餅亦都口感非常好，唔會太薄，可以裝得住所有嘅食材，唔會穿，但係又唔會太厚，總之口感啱啱好，軟綿綿，好好味，好推薦。
之後就到甜品，乳酪雜莓薄餅呢一個配搭係一個比較酸嘅配搭，因為感覺到佢嘅乳酪係好正宗嘅乳酪，唔加好多糖，雜莓都好足料，男朋友好鍾意食酸嘅甜品莓，呢一個甜品就啱晒佢啦。
雖然淨係食咗兩個薄餅同埋兩杯嘢飲，但係已經超飽！好滿足嘅一餐，好味～
张贴
