麥當勞 (富善商場)

营业中

休息中

由細到大最憎就係食麥當奴架喇，如果有選擇，係絕對唔會幫襯既 ~ 不過有新出品都會尊登試一試，唔係點知佢地什麼料子喎 ~ 發現美國、歐洲、亞洲其他國家既麥當奴只得幾樣野食，真係只得香港係咁鬼多選擇、咁鬼多唔同菜式架喎 ~早幾日見到朋友係 facebook 上載個凱旋堡張相勁靚，電視廣告又勁正，忍唔住今日收工係臨食飯之前都要買個黎試吓 ~烤雞中翼，乾囉，咬落無肉汁，味道無特別，鹽烤咸雞翼囉。巴辣脆雞，好鬼乾囉，咬落都係無肉汁，表層硬屈屈，辣就唔算辣，係咸雞翼多左層皮咁囉。皇室凱旋堡，見都見到塊漢堡乾爭爭，一啲都唔 juicy，食落口感又鞋烚烚，牛味又淡，唔掂。但個包真係好大個，就算我都要壓扁先可以咬到。值得一讚既係個包好軟墊、軟棉棉，而配料亦非常多樣及豐富，不過價錢都幾貴。