影片
更多
2015-11-24
1065 浏览
小翼一向都喜愛日本文化，每年會去一次日本大食特食、大買特買(比起依家好多香港人，我算少，我識人一個月去一次，佢唔係水貨客，只係因為成日都搶到快運$1、$5、$68、$88，一出就買定成年機票，我都唔知佢點做到)日本食物，小翼本身最愛係拉麵，我都唔知點解，最近兩年亦都愛上食沾麵，可惜，好食嘅沾麵店其實唔多，而今晚我食嘅富士山55可以話係比較有特式嘅一間之前聽同事講尖沙咀嗰間好好食，佢話銅鑼灣都有，咁最近成日都會去銅鑼灣做野，就決定收工Openrice吓個地址，自己一個去會吓呢個沾麵呢個係我覺得最特別嘅地方，有個小電池爐，根據店員所講，個沾麵食完係可以加芝士同飯落去個沾麵湯度，再造成有個好似意大利飯咁嘅效果，當然，最後小翼係無咁做，因為……食完個沾麵同餃子之後，我重要留返少少位去食甜品嘛~~店仔細細，所以小翼呢啲獨行俠梗係坐吧枱喇~~沾麵湯配搭主要有兩款，一款係櫻花蝦，另一款就係豚骨湯(其實重有特濃豬骨湯，不過同事話好鹹，其實我係一個鹹蟲，真係蠢咗)，今次小翼就揀咗豚骨湯底先，櫻花蝦留返下次同大少去尖沙咀食先試個湯底鹹度可接受，不過沾麵湯其實係可以再鹹多少少，亦都可以再杰多啲，可能因為之後
日本食物，小翼本身最愛係拉麵，我都唔知點解，最近兩年亦都愛上食沾麵，可惜，好食嘅沾麵店其實唔多，而今晚我食嘅富士山55可以話係比較有特式嘅一間
之前聽同事講尖沙咀嗰間好好食，佢話銅鑼灣都有，咁最近成日都會去銅鑼灣做野，就決定收工Openrice吓個地址，自己一個去會吓呢個沾麵
呢個係我覺得最特別嘅地方，有個小電池爐，根據店員所講，個沾麵食完係可以加芝士同飯落去個沾麵湯度，再造成有個好似意大利飯咁嘅效果，當然，最後小翼係無咁做，因為……食完個沾麵同餃子之後，我重要留返少少位去食甜品嘛~~
店仔細細，所以小翼呢啲獨行俠梗係坐吧枱喇~~
沾麵湯配搭主要有兩款，一款係櫻花蝦，另一款就係豚骨湯(其實重有特濃豬骨湯，不過同事話好鹹，其實我係一個鹹蟲，真係蠢咗)，今次小翼就揀咗豚骨湯底先，櫻花蝦留返下次同大少去尖沙咀食先試個湯底鹹度可接受，不過沾麵湯其實係可以再鹹多少少，亦都可以再杰多啲，可能因為之後要加芝士關係，所以湯底唔太杰
但係個湯底好得意，有洋蔥喺入面，其實我食咁多次拉麵同沾麵，都未試過有洋蔥去做湯膽，呢個係一個好特別嘅配搭
麵款上其實只係會有半隻溏心蛋，因為小翼對溏心蛋係無任何免疫力，每次去食拉麵、上海嘢一見到就一定要叫，成日都高呼I Love膽固醇(所以到依家我都重好駝鳥唔敢去Check)好得意，唔知點解沾麵會有一舊青檸，其實我估係落浩湯度，不過我都係唔敢試~
沾麵份量對於我嚟講係啱啱好(唔知我係咪好大食呢)，叉燒亦都有兩塊，呢兩塊叉燒肥瘦好平均，切得薄薄地，易食好多，因為出面好多都會切厚身少少，客人感覺上好似抵啲，但係，其實太厚身，係唔好食的~~
我食親日式嘢都一定要食餃子，就算自己一個都係一樣，因為我覺得日式料理，除咗味噌湯係靈魂之外，餃子都一樣，每間料理店，對於餃子都一定有自己一款食譜(當然，唔排除有啲係買已經包好嘅)，每間都會有唔同味道，好似呢間咁，我就覺得肉比菜多，咁樣隻餃子煎起上身，會脹身好多，好睇好多，而餃子汁亦都調配得好好(當然我去完Ramen Champion食完之後，知道餃子汁調配係要啲咩，依家自己都會間唔中咁調汁去打邊爐)大少同我食日本食到，有次叫我，可唔可以唔好再叫餃子，我食到好厭……XDXD
张贴
