幸福班戟 (已結業)

工作繁忙期終於告一段落可以鬆一口氣，約咗朋友去幸福班戟，治癒一吓疲倦嘅心靈😞日本國產草莓配軟芝士班戟 (HKD158)芝士 ❤️❤️❤️❤️❤️草莓 ❤️❤️❤️❤️🖤班戟 ❤️❤️❤️❤️🖤食呢個期間限定真係掙扎咗好耐，因為$158食個班戟真係好貴，但最後都係輸比「期間限定」呢四個字😣今次期間限定係三塊鬆厚嘅班戟上面加上忌廉、草莓、開心果碎同軟芝士醬班戟充滿空氣感 ，食入口充滿蛋香，而且有控制甜度，配埋其他甜甜嘅配料一齊食都唔會負擔太重👍🏻忌廉好幼滑好甜，平衡咗新鮮草莓嘅微酸甜，配合得啱啱好，不過重點都唔係呢樣，個軟芝士醬真係令我驚喜到呆咗😳個軟芝士醬可以拉絲㗎！班戟嘅鬆軟加上軟芝士醬嘅煙韌令口感比平時配忌廉更加豐富👍🏻而且軟芝士醬加咗D檸檬皮，減少咗膩嘅感覺之餘又有檸檬嘅清香🍋個軟芝士醬好食到差D唔記得呢個係士多啤梨嘅期間限定不過排一個鐘隊真係有D難受，唔係為特別嘅醬，真係自己整都得🤨