影片
更多
2022-07-05
141 浏览
之前屋企附近做大戲，會有啲小販檔買串燒。又或者去第二度旅行嘅時候，夜晚總會食幾串串燒來做宵夜。今次知道旺角呢有呢一間自助串燒專門店，有幾十款嘅串燒任君選擇，喺你面前慢慢用機器自動轉自動燒熟，真係何樂而不吃呢？最早嘅時段都係$208一個人，認真抵食，食足兩個鐘。佢嘅串燒基本上係冇任何調味，因為俾你想食食物原有嘅味道，但係就有啲醬汁俾你去點。例如有泰式魚露、韓式梨汁燒烤醬、燒烤汁、孜然粉、味椒鹽、辣椒粉等。你一坐低咗之後，店員會送上一盤頭盤。就係一碟唔同類嘅肉，咁我哋就即刻放上爐上，咁可以喺你選擇食物嘅時候都已經有一啲肉燒緊，我覺得呢一個安排非常貼心。食物嘅選擇有海鮮類、牛肉類、豬肉類、雞肉類、羊肉類、丸、甜品同埋蔬菜等，夾夾埋埋都有成40幾款。就係咁樣將一串串嘅串燒放咗上去一個齒輪輸送帶上面，佢就會自己360度咁樣轉，受熱均勻，所以燒出嚟嘅食物都可以好金黃。比起傳統炭火燒烤，冇咁容易燒燶食物。佢個爐下邊已經有一盆水，所以好似有啲蒸氣咁樣，啲食物燒出嚟亦都唔會好乾。就算你係食素嘅朋友，其實蔬菜都有好多選擇，而且已經夾好晒一串串，燒起嚟非常方便，而且夠晒衛生。推介食物之一：台灣腸不嬲都鍾意食
今次知道旺角呢有呢一間自助串燒專門店，有幾十款嘅串燒任君選擇，喺你面前慢慢用機器自動轉自動燒熟，真係何樂而不吃呢？最早嘅時段都係$208一個人，認真抵食，食足兩個鐘。
佢嘅串燒基本上係冇任何調味，因為俾你想食食物原有嘅味道，但係就有啲醬汁俾你去點。例如有泰式魚露、韓式梨汁燒烤醬、燒烤汁、孜然粉、味椒鹽、辣椒粉等。
你一坐低咗之後，店員會送上一盤頭盤。就係一碟唔同類嘅肉，咁我哋就即刻放上爐上，咁可以喺你選擇食物嘅時候都已經有一啲肉燒緊，我覺得呢一個安排非常貼心。
食物嘅選擇有海鮮類、牛肉類、豬肉類、雞肉類、羊肉類、丸、甜品同埋蔬菜等，夾夾埋埋都有成40幾款。
就係咁樣將一串串嘅串燒放咗上去一個齒輪輸送帶上面，佢就會自己360度咁樣轉，受熱均勻，所以燒出嚟嘅食物都可以好金黃。比起傳統炭火燒烤，冇咁容易燒燶食物。
佢個爐下邊已經有一盆水，所以好似有啲蒸氣咁樣，啲食物燒出嚟亦都唔會好乾。
就算你係食素嘅朋友，其實蔬菜都有好多選擇，而且已經夾好晒一串串，燒起嚟非常方便，而且夠晒衛生。
推介食物之一：台灣腸
不嬲都鍾意食台灣腸，貪佢同肥和瘦肉嘅比例各一半咁樣，燒起嚟特別肉質紮實，同埋Juicy，而且帶有微辣嘅黑椒香，好似迷你臘腸咁。
推介食物二：和牛粒
牛肉味濃，而且中間夾雜左小小嘅牛脂肪，燒起嚟油分充足，香氣四溢。
推介食物三：菠蘿
佢嘅燒菠蘿因為燒完之後，水份蒸發，所以甜度立刻提升，食起嚟就係超甜嘅菠蘿肉，非常好味。
其實雞軟骨、豆卜、魚肉年糕等燒完之後都非常正！
飲品就可以自己喺雪櫃嗰度拎，除咗一般嘅汽水，都有呢一啲樽裝嘅飲品或者豆漿可以揀。
食完咁豐富嘅自動懶人串燒之後，仲有每人一杯哈根大師嘅雪糕杯，好幾款味道嘅選擇：朱古力、曲奇、士多啤梨、哈密瓜等。
坐住喺冷氣度慢慢睇住啲串燒自己喺度轉，由生就變咗金黃色。其實成個過程都幾治癒，坐喺度望住佢或者同朋友傾吓計都好開心。
张贴
