主要係食溫泉蛋飯同烏東，價格都係5、60蚊左右，有埋嘢飲又唔貴喎。同老婆一人叫咗個飯，因為要快食，冇叫太多嘢。
兩個飯係得個餸唔同啫，吉列豬扒外脆內嫩，唔係硬弸弸嗰啲豬扒，而且調味得幾好，唔駛點醬都已經好好食，加埋美奶滋更好食！照燒雞翼其實係接受半煎炸嘅雞翼，外皮香脆，正！
上枱時見到飯上面隻溫泉蛋嘅「動L」嘅已經好開心，哈！最鍾意食蛋撈飯，加上醬油撈埋一齊好滋味！
店員（定係老闆娘？）好親切咁招待我哋，可以們晚人唔多啦，間中又同我哋吹兩句水，跟餐個可樂我冇飲（戒甜中），已經埋單去咗門口，佢仲專登走出嚟問我拎唔拎走飲，哈哈！
