正九清湯腩 (常安樓)

营业中

休息中

好友約我去油麻地行街，順道去位於油麻地文明里11-13號常安樓地下1號舖的《正九清湯腩》食牛腩，環境舒適，坐得舒服。我地點左：📍清湯牛三寶（牛腩、牛筋、牛肚）撈麵（粗麵）$74：湯底清甜，牛腩軟腍入味，牛肚有咬口又好味，牛筋軟綿糯口，粗麵軟硬適中，伴碟的生菜好食。📍清湯崩沙腩飯 $70：清湯崩沙腩和白飯分開上，崩沙腩軟腍入味，墊底的白蘿蔔大件又好味道。📍油菜芥蘭 $19芥蘭青綠好味，加腩汁更添鮮味。📍淨菜肉雲吞 $42：菜肉雲吞大大隻，餡料飽滿，好味又好食。