影片
更多
2021-12-07
281 浏览
眼見就快全部餐廳都要轉掃安心，有少少擔心黃店生意，所以呢晚就同男友一齊食下黃店。男友係阿仙奴球迷，去到呢間餐廳好開心，呢度既碟仔都係足球+足球場圖案，好有心意，抵讚。食物款式選擇多，價錢都係同一般cafe差唔多，扒類就會貴些少，豐儉由人。我地分別點左個最平+最貴既餐。>前菜沙律：田園沙律簡單易整，要好食始終要靠食材質素，個沙律好新鮮清甜，D菜完全唔黃，就咁用黑醋吊味已經好夠。>餐湯+蒜蓉包：呢個係甘荀薯仔湯，餐廳應該係就咁打碎就煲，飲落甜甜地，覺得加返少少忌廉既話就會更好味，蒜蓉包加左好多牛油蒜蓉，好邪惡，外層唔夠脆，不過我係用黎點湯食，咁樣食都幾好味。>波士頓龍蝦配美國Creekstone牛西冷：猶豫左好耐究竟揀鵝肝定龍蝦，事實證明冇揀錯，龍蝦多肉，口感紮實，好驚喜地發現入面有蝦膏，好正。西冷我地揀左七成熟，塊扒肥膏唔多，肉味濃兼有彈性，食落好Juicy。>卡邦尼意粉配溫泉蛋：成日食西餐我都點佢，醬汁整得好creamy，蛋香味濃郁，配埋溫泉蛋味道一流。雖然係最平既餐，但配料都幾多，入面有好多煙肉+蘑菇。>即製梳乎厘pancake：見點餐再點甜品
有少少擔心黃店生意，
所以呢晚就同男友一齊食下黃店。
男友係阿仙奴球迷，去到呢間餐廳好開心，
呢度既碟仔都係足球+足球場圖案，
好有心意，抵讚。
食物款式選擇多，價錢都係同一般cafe差唔多，
扒類就會貴些少，豐儉由人。
我地分別點左個最平+最貴既餐。
>前菜沙律：田園沙律簡單易整，
要好食始終要靠食材質素，
個沙律好新鮮清甜，D菜完全唔黃，
就咁用黑醋吊味已經好夠。
>餐湯+蒜蓉包：呢個係甘荀薯仔湯，
餐廳應該係就咁打碎就煲，飲落甜甜地，
覺得加返少少忌廉既話就會更好味，
蒜蓉包加左好多牛油蒜蓉，好邪惡，
外層唔夠脆，不過我係用黎點湯食，
咁樣食都幾好味。
>波士頓龍蝦配美國Creekstone牛西冷：
猶豫左好耐究竟揀鵝肝定龍蝦，
事實證明冇揀錯，
龍蝦多肉，口感紮實，
好驚喜地發現入面有蝦膏，好正。
西冷我地揀左七成熟，
塊扒肥膏唔多，肉味濃兼有彈性，
食落好Juicy。
>卡邦尼意粉配溫泉蛋：成日食西餐我都點佢，
醬汁整得好creamy，蛋香味濃郁，
配埋溫泉蛋味道一流。
雖然係最平既餐，但配料都幾多，
入面有好多煙肉+蘑菇。
>即製梳乎厘pancake：見點餐再點甜品有6折，
精打細算既我當然唔執輸啦，50幾就有，
用叉督下個pancake，佢會響度震，
充滿空氣感，食落入口即化，
口腔充滿蛋香味。
>熱檸水+熱檸茶：跟餐送既，味道還好。
张贴
