老虎岩餐室 (已結業)

今日經開油麻地，又有意外收穫！見到大埔老虎岩係油麻地區開咗分店，而且之前係電視見到有介紹過呢間餐廳，今日終於可以食到佢哋秘製嘅嘢食！店面企理開揚，環境寬敞闊落。 餐廳主打潮式牛腩粉麵，亦有手工港式燒賣、茶記小食等供應，而老虎岩燒賣的獨特之處是全人手打，無理由唔叫返一份比自己食！全日手工餐牛腩芝士蛋三文治+手工燒賣（三粒）+黑糖仙草奶茶，一個餐已經可以滿足到個胃！牛腩芝士蛋三文治係採用咗半肥瘦牛腩肉粒，所以食入口超有口感，仲有好香嘅芝士味，超滋味！手工燒賣口感非常有彈性，用魚肉整成！黑糖仙草奶茶超香滑，而且可以喺落單嘅時候同店員講飲品減糖！芫荽燒賣比起普通佢哋嘅手工燒賣，食入口會軟身少少，仲會食到好香嘅芫荽味道！身為芫茜關注組嘅一份子，緊係唔會錯過喇！今次係油麻地分店，食得出老闆忠於傳統味道，仲keep到水準，超讚！下次再嚟食！