粗店燒烤 (已結業)

油麻地又多一間燒烤舖。 入到去裝修幾試正，餐廳好貼心咁喺半空中吊住包紙巾方便你攞， 留返張枱擺燒烤食物。每張枱提供一個小火爐畀你warm住啲串燒 ,你可以同朋友慢慢吹水慢慢食都唔怕啲食物即刻凍曬， 幾貼心。食物方面， 推薦豬手。 肥美甘香又入味，有咬口，膠質感重。扇貝配住蒜蓉粉絲食冇得輸。燒菠蘿酸酸地幾juicy，唔會話好多渣， 食串燒食到油油哋，食一串菠蘿正好解膩。多春魚燒得啱啱好， 食落香脆唔會苦 ，一啖咬落去啲魚春唧曬出嚟。魷魚串燒好爽口， 一啖一隻魷魚仔，入味得嚟又有咬口。牛肉串同煮蜆都唔錯韭菜食落多渣，唔建議點。拌麵麵身偏乾， 建議配搭一啲比較濕潤嘅食物一齊食。