鴻運泰國美食 (已結業)

難得舊同事請食飯，而且有兩三年未o黎過，當然舉手贊成啦!今次坐樓上，因為裝修過，比以前乾淨又企理o左。油酥餅一定唔少得，仍然保持水準。就算唔用點咖哩汁來食，一樣好有味。泰式炒金邊粉-材料十足，炒得乾身，不會好油。柚子沙律-有少少辣味，再加微酸的柚子，好醒胃。青咖哩雞-我本人覺得唔夠香，菜有兩碟-馬拉盞通菜及炒雜菜，兩碟炒得好夠口火、好夠味，又不會偏鹹。串燒有牛、豬、雞-我只諗了雞肉，唔會鞋口，點了串燒醬味道更好。泰式併盤-我一件都冇食，不過俾同事們清晒，我估味道應該唔差。因為有人請，所以唔知幾多錢。