阿珠嬤 (已結業)

因為近近地係附近租左間酒店訓，港鐵又實行「宵禁」就廢時出去咁遠去搵野食啦！ 酒店對面新開左呢間台灣店，門面睇落好多報道話佢呢間好好食咁，一於入去試下！叫左佢呢個蕃茄牛肉麵（$68），嘩 個湯底油膩到...食左啖好似成個口都係油咁，食完個感覺好似啲油卡住係喉嚨，好難頂呀！牛肉其實係牛腩啦，食得落口既，不過唔算淋淋囉！滷肉飯不過不失啦，但係啲飯唔熱又硬硬地咁。珍珠奶茶飲得出用奶粉沖，飲落ok ge 珍珠略小同埋無咩咬感。QQ地瓜波我覺得已經係最好食，我第一下形容比男朋友聽係：嘩 幾好食wor 同kfc出果個差唔多！ 我男朋友笑左出黎，都係果句咁既價唔值囉！埋數$147。 嗯，一般啦。順便一提，呢間餐廳冷氣好大，食果陣最好帶定褸。