影片
更多
2023-04-10
1414 浏览
年初三去到沙田就一定冇乜位食飯啦 周圍都係人都不外乎呢間 望左下餐牌有意粉同日式丼飯好似都ok咁 等左20幾分鐘就入到去🫢但係叫店員嘅話就等勁耐…雖然都體諒好多客佢哋好忙 不過全程就係見到D經理好忙咁騰來騰去 但係其他人就聚埋一齊傾計😅講返餐牌 可惜個日冇lunch set 但係由前菜到甜品都算多選擇 見佢壽司塔可好似幾正咁不過唔知點分好 我地就嗌左幾個主食同甜品🍣香蔥拖羅蓉溫泉蛋丼💰148係鰻魚意大利飯同呢個中間猶疑左好耐 最尾都係屈服於托羅蓉 吞拿魚蓉應該係最好味之一嘅魚生蓉😌碗唔大 面頭打左隻未熟嘅溫泉蛋 有pat蝦油cream同好大舊嘅wasabi 我就好唔小心咁連埋wasabi一齊撈 最後就係辣死嘅🫠當然D吞拿魚蓉都唔錯 滑滑地嘅口感加埋溫泉蛋好易入口 撈勻左好似一pat野咁🤣但係整體冇特別出色🍰加賀培茶蛋糕（培茶慕斯、日本梨啫喱）💰68呢間餐廳叫QUE 呢度嘅Qube蛋糕都相當受歡迎 我地係出面雪櫃展櫃就見到有唔同嘅cube型蛋糕 想清新D嘅我地就揀左培茶味 培茶方塊隔離有一舊雪糕cone 下面嘅雪糕唔單止有雲呢拿味 仲有更濃厚嘅牛奶味 呢個雪糕真係唔錯✌🏻入面成分就係培茶
年初三去到沙田就一定冇乜位食飯啦 周圍都係人都不外乎呢間 望左下餐牌有意粉同日式丼飯好似都ok咁 等左20幾分鐘就入到去🫢但係叫店員嘅話就等勁耐…雖然都體諒好多客佢哋好忙 不過全程就係見到D經理好忙咁騰來騰去 但係其他人就聚埋一齊傾計😅
講返餐牌 可惜個日冇lunch set 但係由前菜到甜品都算多選擇 見佢壽司塔可好似幾正咁不過唔知點分好 我地就嗌左幾個主食同甜品
🍣香蔥拖羅蓉溫泉蛋丼
💰148
係鰻魚意大利飯同呢個中間猶疑左好耐 最尾都係屈服於托羅蓉 吞拿魚蓉應該係最好味之一嘅魚生蓉😌碗唔大 面頭打左隻未熟嘅溫泉蛋 有pat蝦油cream同好大舊嘅wasabi 我就好唔小心咁連埋wasabi一齊撈 最後就係辣死嘅🫠當然D吞拿魚蓉都唔錯 滑滑地嘅口感加埋溫泉蛋好易入口 撈勻左好似一pat野咁🤣但係整體冇特別出色
🍰加賀培茶蛋糕（培茶慕斯、日本梨啫喱）
💰68
呢間餐廳叫QUE 呢度嘅Qube蛋糕都相當受歡迎 我地係出面雪櫃展櫃就見到有唔同嘅cube型蛋糕 想清新D嘅我地就揀左培茶味 培茶方塊隔離有一舊雪糕cone 下面嘅雪糕唔單止有雲呢拿味 仲有更濃厚嘅牛奶味 呢個雪糕真係唔錯✌🏻
入面成分就係培茶慕斯 每啖都好滑 但係呢個可能係日式甜品嘅敝處 有D太清 再加上清新嘅梨啫喱 比較唔似傳統嘅蛋糕🤣可能唔嗜甜嘅人會比較啱
🧆北海道蟹肉薯仔球
💰88
章魚燒見得多 薯仔波就少見 但係食過芝士煙肉薯仔波係超好味嘅程度 所以一見到呢隻創新蟹肉味就即刻嗌左😛就咁睇會以為真係章魚小丸子 因為表面有海苔 木魚花 照燒醬等 不過入面係比較軟爛嘅口感 始終係薯仔😋蟹肉存在感唔係特別重 可能普通芝士薯仔波已經好夠喉
🍣三色魚生丼飯（三文魚、油甘及赤蝦）
💰178
就咁睇呢碗丼都幾抵食 雖然個碗好細 但係2隻赤蝦又大又肥美 刺身切得又厚 油甘魚同三文魚各三塊 已經夠飽！加埋刺身醬油撈飯都幾正✌🏻
🍝軟殼蟹意粉配松葉蟹肉及番茄忌廉汁
💰148
軟殼蟹坐於意粉上面 個頭大得可以蓋過一半意粉🤣其實佢有兩塊 炸得唔油膩 而且肉都幾多下 都算ok！意粉都幾creamy 不過D汁比較稀 整體蕃茄味都夠濃郁！
我地個日坐得係正門口 所以一路食都見到好多人等緊 不過因為多人想食嘅allday breakfast已經賣完 佢嘅食材同一般見開嘅有D唔同 下次可能會想試下😗
📌 QUE (新城市廣場) (沙田)
沙田正街18號新城市廣場一期1樓126號舖
张贴
