影片
更多
2021-08-05
140 浏览
Piccolo Pizzeria & Bar 係一間正宗嘅意大利餐廳，聽聞廚師係係意大利學滿師返香港架。全港共有3間分店，沙田分店最近開張，剛好今日約左朋友去新城市行街，當然要黎呢間餐廳試下啦。餐廳面積唔係太大，店內主色為黑色，裝修簡約，配上玻璃窗嘅設計同埋植物擺設，帶俾客人足夠空間感同舒適嘅感覺！除此之外，廚房為開放式，客人可以見到廚師們為佢地烹調食物嘅情況，亦都會傳出陣陣香氣，令人食慾大增。我地一行三人，叫左一個沙律，一份小食，一個pizza,一個意粉同埋一份甜品share 。另外兩位朋友同試左佢地嘅mocktail。Mango mania (左）及cucumber & mint （右）：店員話飲品無額外再添加糖，真係適合想keep fit嘅女士們。Cucumber & mint入口非常清新，有輕輕嘅薄荷同埋青瓜味，至於mango mania係呈青色，原來係加咗薄荷同青檸汁打碎整成，香草味相當香濃，非常消暑。傳統意大利沙律：所謂傳統意大利沙律，其實係大大塊水牛芝士配上車厘茄同羅勒，紅色、白色同埋綠色呢個組合就好似意大利國旗咁。呢度嘅水牛芝士奶味香濃，入口軟滑，質感有d 似豆腐，份量
餐廳面積唔係太大，店內主色為黑色，裝修簡約，配上玻璃窗嘅設計同埋植物擺設，帶俾客人足夠空間感同舒適嘅感覺！除此之外，廚房為開放式，客人可以見到廚師們為佢地烹調食物嘅情況，亦都會傳出陣陣香氣，令人食慾大增。我地一行三人，叫左一個沙律，一份小食，一個pizza,一個意粉同埋一份甜品share 。另外兩位朋友同試左佢地嘅mocktail。
Mango mania (左）及cucumber & mint （右）：店員話飲品無額外再添加糖，真係適合想keep fit嘅女士們。
Cucumber & mint入口非常清新，有輕輕嘅薄荷同埋青瓜味，至於mango mania係呈青色，原來係加咗薄荷同青檸汁打碎整成，香草味相當香濃，非常消暑。
傳統意大利沙律：所謂傳統意大利沙律，其實係大大塊水牛芝士配上車厘茄同羅勒，紅色、白色同埋綠色呢個組合就好似意大利國旗咁。
呢度嘅水牛芝士奶味香濃，入口軟滑，質感有d 似豆腐，份量都比想像中多，配上酸酸甜甜嘅車厘茄，感覺非常清新，絕對係夏日炎炎下開胃菜嘅選擇之一。
炸南瓜芝士米球：
同行朋友係芝士控，所以一定要叫呢個芝士米球。
炸南瓜芝士米球一客共有四粒，米球炸至金黃色，熱辣辣嘅米球包住濃厚嘅芝士、parma ham同埋南瓜蓉， 食落外脆內軟，入口鹹鹹地，非常惹味。喜歡嘅話仲可以點少少伴碟嘅蕃茄莎莎醬去中和炸物中嘅油膩感添。
古法意式煙肉薄餅：
薄餅上檯時散發出陣陣香氣，餅底用天然酵母製造，餅邊烤得香脆，中間入口煙靭。配料有煙肉片、車厘茄同埋太陽蛋，車厘茄爆晒汁，配上流心嘅太陽蛋，整體顏色同賣相都唔錯，味道方面鹹中帶酸，非常特別。
香烤蒜蓉大蝦意粉：
意粉加入蒜蓉、蒜片、辣椒片同埋大蝦整成嘅意粉，上檯時散發出濃郁嘅蒜香味，入口微辣，非常惹味，除此之外，大蝦都算多，入口爽口彈牙，意粉完全做到al dente 嘅口感。
提拉米蘇：
食意大利菜又點可以唔試Tiramisu 呀？ Mascarpone 芝士配上浸過濃縮咖啡嘅蛋糕，質感細緻濕潤，入口綿滑，唔會太濕, 甜度適中，味道唔錯。
餐廳無論食物定環境都唔錯，真係非常適合朋友們聚會呀。
张贴
