麦玉子

营业中

休息中

之前曾經去過麥玉子分店食，重回味緊過櫻花蝦玉子燒。今次去開沙田知道附近都有間麥玉子分店，所以再去品嚐下。今次order咗野菜牛肉定食 ，因為實在好鍾意食玉子燒所以點咗玉子燒烏冬， 再加一份明太子玉子燒。野菜牛肉定食啲牛肉超有牛味而且好冧，野菜好爽口好開胃，連埋啲配菜跟飯食，食到停唔到口。而玉子燒烏冬玉子就好多層好有口感，烏冬就煙韌程度啱啱好，有咬口同埋個湯底好正，好啱香港人口味。最後明太子玉子燒啖啖香濃蛋味，玉子連埋內裏嘅明太子一齊食，好難用筆墨形容個口感，總之一句超好味！套餐配一杯朱古力茶，又幾得意。