越男仔

营业中

休息中

平日極少出入沙田既我，更莫講話係馬鐵沿線的沙田圍站，我對此地既印象真係冇咩。 今次咁岩去到沙田圍附近，就襯機到處逛逛。 去到住宿區內的一條後街，食店林立，一眼就睇到De Vie Son 既招牌。入去坐低，老闆好好人咁招呼我地，仲推薦左我地試下佢個咖哩四鳥煲，四鳥包括：「手撕雞、雞排、炸雞皮、雞柳」。 由於有四種不同類型既部分同做法，對我來講新鮮感十足，尤其是炸雞皮，大塊酥脆而且口感十足，仲配上特製黃薑飯，零舍惹味。友人既至愛檬粉，此行點了雞翼豬排撈檬，雞翼係招牌牛油炸雞翼，香酥味美，表面香口之餘裡面既肉汁仍能夠保留到值得一試最後牛肉串燒，配上特製沙嗲醬，完全係升級享受，大大碟醬都比我地用晒