會所1號 萬濤 (已結業)

今次嚟到一間最多可以容納24位，周圍都有好多適合小型婚禮嘅裝飾，場地方面都係走年輕嘅路線，最適合而家年輕嘅新人，令到成個婚宴都好清新。 第一道係鴻運脆皮乳豬，豬食落去外脆內軟，配搭埋砂糖混合，簡直係天衣無縫，同埋成件事好鮮甜唔會話好好老。 而第二道我最鍾意嘅餸係野菌炮蝦球，佢唔止有冬菇，仲會有好多唔同嘅蘑菇，佢搭着蝦嘅鮮甜令到本身唔使落好多調味料，冬菇啲鮮味都出埋黎。 再黎係百花海王卷，係一個炸物嚟嘅，被炸到金黃色，暖粒粒好好食，開埋我最鍾意嘅卡夫醬，簡直係天衣無縫。 加上，去婚宴又點可以冇清蒸海石斑，服務員好貼心咁幫我地開邊，拆肉，幫我地分好每一道餸，佢事又唔算多，但正正就帶出石斑新鮮嘅魚味。 而咁多款甜品當中，我最鍾意嘅係蓮子百合紅豆糕，佢唔單止有祝福新人連生貴子嘅意思，紅豆糕好實，一邊嘅紅豆有好多，又好食又有好好嘅寓意，正呀！