影片
更多
2023-05-05
520 浏览
前排去咗沙田staycation刷房，夜晚出去搵食嗰陣俾我發掘到呢間超抵食嘅外賣炸雞店GG Chicken Bro 雞吧🍗🌃 環境（只限外賣）石門站對出有好多各式各樣嘅食肆同商鋪，weekend人流都幾旺😆 GG Chicken Bro 雞吧置身呢個旺區，位置好方便，喺石門站C出口右邊嘅京瑞廣場入面～炸雞店喺二樓，不過要行入去先見到，好容易會錯過🥹 小店麻雀雖小但五臟俱全，一張長吧檯擺外賣，周圍有d色彩繽紛嘅裝飾，幾有活力😚😋 食物 (4.5/5)🍗炸雞二人餐🍗 $159🍗 十件炸雞（自選兩款口味）🥗 雞肉沙律🍠 炸蕃薯條 +$10🥤 自選飲品x2一路上已經聞到好香嘅炸雞味。返到酒店房已經迫不及待打開佢地😛 雖然話係二人餐但份量超多🤩十件炸雞可以自己兩個口味嘅醬汁😚 我就揀咗麻辣蜂蜜同青檸蒜香🧄 炸雞脆卜卜大大件，咬落啖啖肉，超香口🍗 麻辣蜂蜜辣辣哋又帶啲蜂蜜嘅甜味，幾特別🌶️青檸蒜香就稠身啲，質感同蛋黃醬差唔多，蒜味香而且帶少少青檸嘅清新，都唔錯🔥 最好嘅地方係醬汁係分開上，可以根據自己嘅口味控制醬汁嘅份量👍🏻食完炸雞咁上火緊係要食返啲清新啲嘅嘢下火😛 雞肉沙律好足料，pack到滿滿一
🌃 環境（只限外賣）
石門站對出有好多各式各樣嘅食肆同商鋪，weekend人流都幾旺😆 GG Chicken Bro 雞吧置身呢個旺區，位置好方便，喺石門站C出口右邊嘅京瑞廣場入面～
炸雞店喺二樓，不過要行入去先見到，好容易會錯過🥹 小店麻雀雖小但五臟俱全，一張長吧檯擺外賣，周圍有d色彩繽紛嘅裝飾，幾有活力😚
😋 食物 (4.5/5)
🍗炸雞二人餐🍗 $159
🍗 十件炸雞（自選兩款口味）
🥗 雞肉沙律
🍠 炸蕃薯條 +$10
🥤 自選飲品x2
一路上已經聞到好香嘅炸雞味。返到酒店房已經迫不及待打開佢地😛 雖然話係二人餐但份量超多🤩
十件炸雞可以自己兩個口味嘅醬汁😚 我就揀咗麻辣蜂蜜同青檸蒜香🧄 炸雞脆卜卜大大件，咬落啖啖肉，超香口🍗 麻辣蜂蜜辣辣哋又帶啲蜂蜜嘅甜味，幾特別🌶️
青檸蒜香就稠身啲，質感同蛋黃醬差唔多，蒜味香而且帶少少青檸嘅清新，都唔錯🔥 最好嘅地方係醬汁係分開上，可以根據自己嘅口味控制醬汁嘅份量👍🏻食完炸雞咁上火緊係要食返啲清新啲嘅嘢下火😛 雞肉沙律好足料，pack到滿滿一盒，上面仲鋪滿勁多雞肉粒🥗 沙律菜好新鮮，食落索索聲夠爽口，食完成個人都無咁有罪惡感🤣
呢個set另外仲配有一款小食😋 我本身好鍾意食炸蕃薯條，見到有得食就算要加$10都照殺🍠 蕃薯條幾香甜，滿滿一盒好滿足，不過美中不足嘅係焗喺盒裏面搞到腍咗啲，如果大家屋企有氣炸鍋可以再氣炸吓🔥
最後仲包兩罐自選汽水，食完真係要減肥啦🤣🥤
💰 價錢 (5/5)
Average price $85/pp
雞吧性價比真係極極極高，二人餐三個人食都應該得😆 呢個份量，呢個質素，呢個價錢去邊度搵？住附近/去開staycation想買外賣嘅好推薦🥳
张贴
