餐廳帶有濃厚既泰國風情，亦放有唔小既泰國傳統擺設，空間寛敞唔會擠迫，可以慢慢享受呢一餐😍
🌟牛柳炒闊河粉
牛柳唔柴，闊河粉滑溜又煙韌，而且河粉闊身會比較索醬汁，小小辣又夠火喉！岀面好小見有闊河粉，黎到呢到一定要試下！
🌟泰式海南雞拼燒雞 油飯
油飯粒粒分明又帶少少油光，食落唔會太油膩！至於海南雞同燒雞係好嫩滑而且有雞味，燒雞都唔會乾真係好有驚喜！仲配上酸酸辣辣既醬汁，好夾！ 呢個餐仲會送上一碗椰汁湯，清清淡淡都幾好飲！
🌟蝦多士
$48有4舊，而且size都唔細！炸到金黃酥脆，即使隔左一陣先食都個好熱辣辣！蝦肉彈牙，舖滿成個多士，每一啖都食到蝦肉🍤
🌟泰式香蕉煎餅
泰式香蕉煎餅煎到表層香脆，夾層就有香蕉🍌 有朱古力醬同煉奶，可以自己控制份量，唔想食太甜既可以落小d👍🏻
🌟龍眼冰
好大杯而且有好多龍眼肉，清涼又解暑。我就叫左小甜小冰，覺得呢個甜度岩岩好！
