Cafeholic (已結業)

今次放工約埋朋友仔到公司附近的商場食晚餐。呢間餐廳雖然係商場，但唔會太多人，所以好快就有位了。餐廳環境及設計舒適，適合幾個朋友一齊食個飯傾下計。餐廳有幾個餐可以比你揀。唔岩食的，大家仲可以係Menu揀一個你鍾意的主菜，再加錢自己砌個適合自己的套餐。是日餐湯係煙肉西蘭花忌廉湯，煎香過的煙肉，再加入西蘭花及洋蔥，令成個湯都好香。主餐我揀左芝士焗白汁煙三文魚菠菜鮮菌扁意粉。芝士焗得非常香，夠香之餘仲可以拉絲，配埋個三文魚同鮮菇，正！朋友叫左個黑松露帶子白蜆欖油意粉，黑松露味夠香，意粉仲用欖油炒香過，令個味道同層次更推高點！餐飲叫左錫蘭奶茶，奶茶比例ok，唔會有任何一邊太搶。