蘭特餅店

营业中

休息中

今日小朋友喺新城市有活動，仲左佢去，我就周圍行下，發現沙田廣場有間新嘅蛋糕店Yolanda Bakery。門口先俾佢既蛋糕櫃吸引，款款都好靚，仲要唔貴$20左右已經有一件。再見到小朋友最鍾意既蝴蝶酥同曲奇餅。一口氣買左3罐曲奇同蝴蝶酥，諗住俾小朋友帶番學校小息食。點知番到屋企大仔一個人一口仔KO左罐蝴蝶酥話好食到唔停得口，我食得半塊😢之後開曲奇食，牛油味好香，好鬆軟，唔會死實。另外買左幾款蛋糕做飯後甜品，有老公鍾意既貓山王榴槤蛋糕，老公讚榴槤味好出，但又唔會太濃，啱啱好。大仔芒果芝士，佢話啱晒鍾意芝士蛋糕既芒果友。細仔簡左芒果花之戀，佢用行動表示所有幾好味，就係佢係最快食晒。女鍾意阿華田，所以就揀咗阿華田蛋糕框上面有濃濃嘅阿華田醬。下面朱古力蛋糕，底有威化餅，三層一齊食出奇地夾，又好味。我簡左蜂蜜岩燒蛋糕，唔太甜清清地啱晒我。下次經過一定再試埋其他味。Btw 訂公仔蛋糕都幾抵。