北海道食堂 (已結業)

除咗大x屋集團式放題之外，其實香港仲有好多放題選擇，今次同朋友嚟到沙田行街，順便試吓呢間嘅放題。我哋喺指定時間7:30pm入座，可以食到10pm，兩個半鐘可以輕鬆食！餐廳入面座位都好多，我地坐卡位好寬敞舒服。飲品方面選擇都多，除咗有基本嘅汽水，仲有啤酒（嘉士伯），茶方面仲有樽裝解茶揀。刺身方面有十二款，味道都唔錯，特別係北寄貝同蠑螺，好鮮甜！鐵板方面有十一款，推薦鐵板魷魚鬚同埋鐵板帶子。串燒炸物有廿幾款，味道都唔錯。仲有主食、沙律、火鍋揀，最後當然要食返杯雪糕做完結。整體而言，食物種類選擇都多，價錢合理，唔一定要揀大集團嘅放題😋😋評分時間（只供參考，最多❤️❤️❤️❤️❤️）好食指數：❤️❤️❤️❤️環境指數：❤️❤️❤️❤️❤️抵食指數：❤️❤️❤️人均消費：$295（晚餐）